برجك ليوم الخميس 11 يونيو 2020 ثابت الحـسن
كل ما نقدمه للتسلية والترفيه، فلا يعلم الغيب الا الله وتبقى مجرد توقعات والله أعلم
حظك اليوم مع الأبراج اليومية ليوم الخميس 11 حزيران / يونيو / 2020
توقعات برج الحمل اليوم الخميس 11 يونيو 2020 ثابت الحسن
بـــــــــــ الحمل ـــــــــــرج
اليوم عم تكون اكثر انفتاح على العالم وعم تزيد اطلاعاتك الثقافية والاجتماعية. بنصحك اليوم تنظم مواعيدك واوقاتك. عم تخلق اجواء ايجابية وعم تبتعد عن الضجيج والاجواء المتوترة. رح تلاقي دعم ومساعدة من احد الاشخاص المقربين إما ماديا أو ببعض الاعمال العالقة.
عاطفيــا"... عليك أن تتقرب من الشريك وتهتم به وبتفاصيله حتى تكسر البرود بعلاقتك معه
طاقـــة بـرج الـحمل { 75 }
توقعات برج الثور اليوم الخميس 11 يونيو 2020 ثابت الحسن
بـــــــــــ الثور ـــــــــــرج
اليوم ممكن عم تقوم ببعض الامور الي كنت مأجلها بسبب ظروف معاكسة. اليوم عم تعتمد على نفسك لإنهاء بعض الامور المهمة المهنية والشخصية وتمشي الامور متل مابدك. عم تسمع كلام كتير من الوسط المحيط حاول ماتشتت تركيزك وركز على اولوياتك
عاطفيــا"... عم تحاول تخلق اجواء ايجابية مع الشريك لكن في شحنات سلبية عم توتر العلاقة لهيك انتبه
طاقـــة بـرج الثور { 65 }
توقعات برج الجوزاء اليوم الخميس 11 يونيو 2020 ثابت الحسن
بـــــــــــ الجوزاء ـــــــــــرج
اليوم عم تخطط للقيام ببعض التغييرات وتكسب طاقة ايجابية وتجدد نشاطك وحيويتك. عم تتواصل مع الاقارب والاصدقاء وعم توطد علاقاتك الاجتماعية. عم تشعر ببعض الانزعاج بسبب موضوع شخصي وعم تحاول ما تحسس حدا انك مزعوج وعم ترسم البسمة عوجهك. بنصحك تفضفض لحدا بتوثق فيه
عاطفيــا"... عم تحاول تخفف عن الشريك الظروف الي عم يمر فيها وتوقف جنبه
طاقـــة بـرج الـجوزاء { 73 }
توقعات برج السرطان اليوم الخميس 11 يونيو 2020 ثابت الحسن
بـــــــــــ السرطان ـــــــــــرج
يوم هادئ بشكل عام عم يكون روتيني شاغل بالك امر تأجل او تغير بسبب الظروف المحيطة عم تشعر انو الحظوظ ماعم تحالفك. لاتقلق كل شي بوقته حلو عليك بالصبر ورح تلاقي الحلول المناسبة. انتبه من ردات فعلك وحاول تهدي اعصابك حتى ماتتفهم بطريقة خاطئة
عاطفيــا"... عم تكون بحاجة لوجود الحبيب الى جانبك يشاركك افراحك واحزانك
طاقـــة بـرج السرطان { 63 }
توقعات برج الاسد اليوم الخميس 11 يونيو 2020 ثابت الحسن
بـــــــــــ الاسد ـــــــــــرج
اليوم عم تزداد حركتك وماعندك وقت فاضي ممكن يكون عندك سفر مع بعض الاصدقاء لمكان قريب. عم تحقق نتائج جيدة مهنيا وعم تحصد نتيجة تعبك وجهدك. عم تختار الاصدقاء الحقيقين من حولك وعم تديق الدائرة حولك. ماليا انت شخص عملي وبتفكر دائما بمشاريع جديدة هالشي بزيد من ارباحك المالية
عاطفيــا"... يوم عاطفي مع الشريك وعم تظهر له محبتك وممكن تناقشه بموضوع مهم
طاقـــة بـرج الأسد { 78 }
توقعات برج العذراء اليوم الخميس 11 يونيو 2020 ثابت الحسن
بـــــــــــ العذراء ـــــــــــرج
اوضاعك متقلبة بعض الشيء بتحقق غاياتك واهدافك بس ممكن بعد تعب وعناء . بتشغلك اليوم امور عائلية انتبه من المشاحنات وماتتشبث برأيك. حاول ريح حالك وتاخد قسط من الراحة لتستعيد نشاطك وحيويتك. ماليا اليوم عم يكون عندك التزامات كتير وكلو ضروري
عاطفيــا"... ممكن تتعرض لسوء تفاهم مع الشريك لكن سرعان مايزول
طاقـــة بـرج الـعذراء { 69 }
توقعات برج الميزان اليوم الخميس 11 يونيو 2020 ثابت الحسن
بـــــــــــ الميزان ـــــــــــرج
يومك عم يكون جيد فيه بعض النشاطات الجديدة عم تكسب طاقة عالية عم تحفزك لمزيد من الاهتمام بمجال العمل. ماليا ممكن تزيد من ارباحك المالية او تسترد حق قديم الك. عندك لقاءات ونقاشات مع بعض الاشخاص وممكن تطلع لمكان ما تغير جو.
عاطفيــا".. اليوم عم تقدر توصل آراءك وافكارك للشيبك او تقنعه برأيك
طاقـــة بـرج الـميزان { 76 }
توقعات برج العقرب اليوم الخميس 11 يونيو 2020 ثابت الحسن
بـــــــــــ العقرب ـــــــــــرج
اليوم عم تكون متكاسل شوي تشعر بالملل والروتين هالشي عم ينعكس بشكل سلبي على آداءك المهني وممكن تبدي بعض التقصير. عم يشغل بالك موضوع عائلي وعم تحاول توجد الحلول المناسبة. ممكن يوصل لايدك مبلغ من المال بفك ديقتك وبتسدد التزاماتك.
عاطفيــا"... عم تكون حذر بتعاملك مع الشريك خوفا من عدم تعامله معك بايجابية
طاقـــة بـرج الـعقرب { 68 }
توقعات برج القوس اليوم الخميس 11 يونيو 2020 ثابت الحسن
بــــــــــ القوس ـــــــــــرج
اليوم عم تشعر بالسعادة والتفاؤل عم تكون مسرور برؤية بعض الاشخاص الي بيعطوك طاقة ايجابية. بزيد تواصلك الاجتماعي ومازال عندك حركة سفر او تنقلات. ماليا بنصحك تخفف من مصاريفك حتى ماتوقع بالعجز المالي.
عاطفيــا"... اليوم عم تكون رومانسي عم تجذب الشريك وعم تجدد المحبة بينكما
طاقـــة بـرج الـقوس { 80 }
توقعات برج الجدي اليوم الخميس 11 يونيو 2020 ثابت الحسن
بـــــــــــ الجدي ـــــــــــرج
عم تحاول تخلص بعض الامور المهنية باسرع وقت ممكن بفترة الصباح عم يكون عندك التزامات عائلية اضافية وممكن تهتم بوضع صحي لاحد افراد العائلة. من بعد الضهر عندك سفر او رحلة مع الاصدقاء. ماليا وضعك مستقر وعم تحصل على فرص جيدة عم تحاول تستغلها بالشكل المناسب
عاطفيــا"... عندك شوية توترات بعلاقتك مع الشريك حاول تكون هادي بتعاملك معه وماتحمل الامور اكتر من اللازم
طاقـــة بـرج الجدي { 74 }
توقعات برج الدلو اليوم الخميس 11 يونيو 2020 ثابت الحسن
بـــــــــــ الدلو ـــــــــــرج
اليوم الحظوظ عم تحالفك وعم تكون طاقتك عالية بتتمتع بالذكاء وعم تعرف كيف تكسب محبة المحيطين. يوم جيد للبدأ بمشروع جديد او القيام بامر مؤجل. موضوع كان شاغلك ورح تلاقي الحل المناسب والامور رح تصب بمصلحتك وتمشي الامور متل مابدك. ماليا ممكن تحصل على مبلغ من المال موعود به من مدة.
عاطفيــا"... عم تزداد جاذبيتك وعم تكون طلتك مميزة هالشي عم يلفت انتباه الشريك وعم تزيد محبته
طاقـــة بـرج الدلو { 85 }
توقعات برج الحوت اليوم الخميس 11 يونيو 2020 ثابت الحسن
بـــــــــــ الحوت ـــــــــــرج
اليوم مزاجك متقلب بعض الشيء عم تكون حساس وعم تفضل تبتعد عن المحيطين وتقعد لحالك. من بعد الضهر رح تكون افضل ويتحسن مزاجك بنصحك تقوم ببعض التمارين الرياضية. عند المسا ممكن تسمع باخبار جيدة تفرحك. ماليا المصروف كبير وهالشي عم يشعرك بالقلق
عاطفيــا"... الشريك مصدر الامان الك وعم تسترجع ذكريات الماضي معه
طاقـــة بـرج الـحوت { 70 }
رد مع اقتباس
