هنا

[فقار الكرخي]

بيش اذكرك وانت كلّك ذكريات
بروحي والحسره وصفنتي
بكلشي عايفلك أساس
محترگ گلبي عله حالي
حالي شايب روحه خضره
ويعشگ بنيه عله نيته
وروحه يبست من عشگها
ومن يبس صارتله فاس
يالمجافي العشگ يبقه
وتكبر بعيني
بكثر ما طاحت من عيوني ناس
يا ورد ياس شكثر اشتاگلك لو غنّه ياس
مرلي طيف اول ملاگه
من البدايه ومن هويتك
ووين ادورك
دوريت الگاع كلها وما لگيتك
وهيه حيره
المثل گايل گوم يا عبدي وعينك
من البواچي ما بقه بعيني سواد
من كثر ما سافرت خاطر الگاك
بخلگي خضّر سندباد
انت يا عشگي الوحيد
من چنت تزعل عليه
اتعنه ليك وادعي لله
ادعي ربي يرد عليه
وانت تدري ابابكم باب المراد
اتمنه اموتن موته گشره
اتمنه اصيرن نبي يونس
هلبت ويبلعني حوت
ودوريت ودوريت
ومتت شوگ وما طحت گد ما مشيت
هذا طبعي النخل واگف من يموت
تسافر وتتركني حطبه
وانت تدري الدنيا نار
شبيك تعشگ كل محطه
سرّك مخلينه يم سچة قطار ؟
ردلي يل كلش بعيد
العانس وشتريد غير الحلقه بيد
شوف حالي يلّي لو مرّيت عيد
الشط يبس وآنه بعدني
انصب الشبچه واناطر
وادري كلشي ما اصيد
بس اگولن هلبت الله
والبشر رزقه عله نيته
الناس تسألني عليك
وآنه اگلهم لا جفاني ولا جفيته
آنه مثل الشاف روحه مذنب ورايد يتوب
ويدخل الشيطان سدره
ويبقه محتار ويفكر
خاف اردن للذنوب
خاف اردن للذنوب
والنتيجه الله كريم
شغيرك تگطع عليه
العشگ الاول حسره يبقه
يالجديد انت القديم









م

[سمراء من قوم عيسى]

الله عليك

[أستثنـآئيـّةة❤️]

كالعادة ابداع رائع وطرح يستحق المتابعةشكراً لك
بانتظار الجديدالقادم
دمت بكل خير