هنا

[فقار الكرخي]

فراگك ثوب غالي تظل وراك عيون
يمن هدّيت حيلي بروحتك حالوب
استبرَد جسمي حدما كَزّبرت نعناع
من دارن عيونك عن صديج ايوب
انا ظلّيت ساكت من درت مگفاك
الحچي موجود بس العاشگك متعوب
ميّة حلگ عدّه وما حچه الغربيل
شگلك وانت تدري الگطِع ما مرغوب
چف عامل جفاك وأنا كلنسه بماي
ولا چنك مفارگ چف يحبك بوب
عفتني ونيتي چانت ماي حِب وياك
چانت بالبياض عيون عد يعگوب
شفتك دنّگت بس مو خجل والله
شمس من دنّگت چي شفت دنيا غروب
گفه مرايه شفت وجهي وغزاك ابليس
الشكل مو دخله محبوب ويحب محبوب
العشگ مهرة عرك ما ينوخذ عاللون
بس هو الحزن خلّه العشگ معيوب
تضن لغيرك ابچي وحزني من العوز
حزن گد الحزن مو كل حزن محسوب
الرطب لونين اشوفنه واحيرن بيه
متنگب عليمن يا سعف مصيوب
العوز البيه ما خلالي موش فلوس
العوز البيه ما خلالي حته جيوب
هذا انه الدمعته بطوله من يشتاگ
البقه يبچيلك دموع اليريد يتوب
روح ولا تردلي ولا يجيسك شوگ
راح انساك واحمد ربي عالمكتوب
انا مثل الدعا ما رافگت مشلول
بس چان الغلط بالشوف چي متعوب
انه العاشگك وانه الّي راح انساك
اجيت بكيف اعوفنك مچان ذنوب
چمه من كيفي اجي محّد تعب وياي
أنا عندي كرامه وعشگ ذل چندوب
ولا تسألني عن جرحي يصير بخير
صار بطول شعرك يالچنت محبوب







م

[سمراء من قوم عيسى]

الله

[أستثنـآئيـّةة❤️]

احسنت النشـرـر ..