هنا

[فقار الكرخي]

الحزن من تلگه اعز ناسك
مثل ثوب الغني يشوفك
وگبل لا تعتك ايعوفك
وكل مرسال منك جان
ادگنه وشم ع الايد
حتى ادموع عيني
امسحها بحروفك



من كثر الدمع ماينقرن مرتين
الرسايل بيدي لاجن ينمحي المكتوب

ماصح الوكت واحجي البگلبي وياك
كل شوفك موادع جان شمس اغروب





ياونيســي شعوداك
شعود عيونـك تهاجر
الضلمة كلش مو ونستـي •
وانت جنك شمس الله
بــ أول المغرب تسافـر




مـدري لـيش ..
ريـح تاخـذني لـ كـتر واتـردني ريـح
كلـشي مـاكو بـ كلـشي مـاكو
اعـثر واطـيح !!







ودي اطش اسرار روحي
ودي اموت ابين اديك
ودي لو جيتك حزين .. تضمني بيك

ودي بس انت بعيد ..!!




خـذتـني الـحسبه

لـ آخـر نـجمه بـ التاريـخ
چا يـمته الـذمم تـنجاس

سـاعـه الكاس بـيه يديـر
سـاعـه انـدار فـوگ الكاس






انـه الما يـنـشد عـنه

انـه الـ لو غاب حـته عـيونه يـنـسـنه

انـه الـ مـعذور
انـه الـ الـمجـبور يـتـمنه

انـه الـ ما يـوم فز وجـروحه ماهـنه

[124321]

عاشت ايدك ورد

[انثى مخمليةة]

كالعادة ابداع رائع وطرح يستحق المتابعةشكراً لك
بانتظار الجديدالقادم
دمت بكل خير