درب مسدود
درب مسدود
لو عايد كبر من رمل
عل زيتون
لو عايد صوركم
ونتم اتضحكون
لو رد الهلي ونتم تجوني
اشلون ماجنه العصر
يم اهلي وتسيروني
لو كلكم كضاني الشوك
وآنه احسب صور
جا ليمته اتردون
خل نكعد
نرد نشاقه
وتكلولي كون انموت
يمكنه التراب ايريد دم اوخد
نرد نركض اكبال الموت
بس مو خوف
اذكر جنه من نبرد
نرد نفتح علمنه
المن كشر ماطاح
بي جم شد
نرد نفرح الطاري الموت
ونغنيله
ونواعد
نرد بس لانرد
ناقصنه جم واحد
نرد بس للوطن
مو للبجي وكلوله خل يكعد
نرد بس مو الذاك الصوت
هاي امه ولك
شتجاوب امدد
نرد للوينه صاحبكم
شكلله مشه ايعيد
نرد المن
نرد يم الشموع المارضن يطفن
نرد يم العبي
الترسن الكاع ادموع
كل وحده عله ميت كامن ايدورن
نرد للحطن اهدومه العصر
حد مايصير اليل وكومن
وعاتبمن
وطن ماخوذ من اجفوف يتوضن
وكدام الغرب بس هنه اليزكن
وليصلن
وليعبدن
وليركعن
ولصومن
وبنفس الوقت بس هنه اليكتلن
تجيني اتكلي اعايدمن
اعايدمن
احمد عباس
رد مع اقتباس
