المكوّنات
- 3 كوب دقيق تقريبا
- معلقه كبيره خميره
- معلقه كبيره سكر
- ½ كوب إلا معلقه كبيره زيت
- ½ معلقه صغيره ملح
- معلقتين كبار لبن بودر (ان وجد)
- ¼ كوب ماء دافئ للعجن قابل للزياده
- جبن شيدر مبشور
الخطوات
- نعجن كله سوا عدا الجبن ويكون عجين لا يلصق باليد ونسيبه يخمر ولما يتضاعف حجمه نفرده علي الرخامه مرشوشه بالدقيق بس اهم حاجه نفرد الاطراف كويس ونخلي الجزء الي في المنتصف سميك (يعني نرفع الاطراف ونتخن النص)
- نحشي الجزء السميك في الوسط بالجبن ونلم عليه الاطراف ونقفل كويس نفرد العجين كل بالنشابه ويكون بسمك ١سم تقريبا
- نحطه في صنيه ونخرمه بشوكه وندهنه ب (صفار بيضه + رشه نسكافيه + معلقه كبيره لبن) ونرش فوقه سمسم او حبه الربكه او بلاش براحتك وندخله الفرن علي طول بدون تخمير ولما يحمر من تحت نشغل عليه الشوايه ياخد لون وبالهنا
رد مع اقتباس
