في موسم الصيف ومع حرارة الجو والرطوبة بنكون محتاجين لبس شيك وفي نفس الوقت مناسب للجو ونبقى مرتاحين واحنا لابسينه ، والنهاردة من خلال موضوعنا هنقول لبنات حوا على 5 نصايح لستايل عصري بالحجاب مناسب للصيف.
نصايح لستايل عصري بالحجاب:
1- الفستان الواسع Flowy Dress:
الفستان الواسع من القطع المناسبة جدا لموسم الصيف ، لبسه انيق جدا وفي نفس الوقت مريح مع حرارة الجو والرطوبة.
نصايح لستايل عصري بالحجاب
نصايح لستايل عصري بالحجاب
2- متلبسيش طبقات:
ستايل الطبقات من الستايلات الحلوة جدا ولكن مش مناسبة لموسم الصيف ، مع حرارة الجو انتي محتاجة تلبسي حاجات خفيفة ومريحة مناسبة للجو ، فاكيد بننصحك تتجنبي ستايل الطبقات.
3- البسي خامات مريحة:
اعتمدي على الخامات المريحة اللي تخلي بشرتك تتنفس ، وتسمح بدخول الهوا ، وتمتص العرق ، زي القطن, الكتان, والحرير ، تعتبر هي افضل الخامات لموسم الصيف ، القطن بيحتوي على الياف طبيعية بتسمح بتوزيع الهوا ونسيجه بيخليكي تتحركي بحرية ، الكتان بيحتوي على الياف طبيعية ونسيج خفيف بتسمح بدخول اكبر قدر من التهوية ، والحرير فيه مسامات بتسمح كمان بدخول الهوا.
اتجنبي الملابس اللي مصنوعة من الالياف الصناعية لانها بتسبب زيادة افراز العرق.
4- اعتمدي على الالوان الزاهية:
الالوان الزاهية والفاتحة هي انسب الالوان لموسم الصيف ، غير انها عصرية ومناسبة للصيف هي كمان بتعكس اشعة الشمس ، وبالتالي هتكون انسب اختيار للتقليل من الاحساس بحرارة الجو والرطوبة.
رد مع اقتباس