هنا

[فقار الكرخي]

اخذني وياك لو مرود كحل ورهم عله جفونك
يسهله تعوفني وصعبه ارهم بدونك
تفاركني وتعذبني وتجي تراضيني بشلونك
كافي عيوني من اشتاك تركض ع اليشبهونك
اخذني وياك
اخذ دمعي سگه العودك
هناك الغربه من اطيح تاكل خير محصودك
دخليلي دمع لو رايد اتسافر
انه العندي بگاية ليل خاف اتذكرك باچر
واخاف عيوني من اتطيح يم شمات
اذا سألو شگلهم كلشي ماصاير
دخذها العافيه ابلياك المن ضاله بروحي
والله جروحي من فركاك
مو منك تره جروحي
كافي نضل جروف وبالوصل نحلم
تره العودان عش تصير من تلتم
كافي نضل حلم مصلوب خن نلتم تراب وماي
وگبل ماطيح گاع تصير كون تطيح بس جواي
اذا ماشبگته الشفه حرام نگول يحجي الناي
وانه ادري البير مابي صيت اذا ماجاس چفه الماي
ينسمه شماخذك ياريح. بياريه تبات انته
تعال استحي من الشمات كمت اشتاكلك سكته
وجيني الليل واتناساك
بس طيفك يجي ملهوف والگه عيوني حاضنته
مر بيه الامياله خفاف تركض ساعة سنيني
ويالفرگاك مو عريس ليش يزف دمع عيني

ليش ماجيت اعله شباج الضلوع تمرني نسمه
ليش مو تدري الورد لومات يبقه يعيش بسمه
انته ياگطرة البگصتي تروح زحمه
ياگمر غيب اعله كيفك بس ترد باچر واذمك
انته وجه العافيه الترخص واحبك
دورت حته النجوم ومالكيت اليرهم اوياي ويشبهك
غاليه بيوت الولايه البيها وجهك





ضياء المشرفاوي

[فخامه رجل]

عاشت ايدك