لا تمشيني ابمزاجك,,حسين الساعدي
لا تمشيني ابمزاجك
انه هم عندي مزاج,,
؛
لازم اتراعي المشاعر
حتى ميصير احتجاج!
؛
قبل لتسميني اعوج
عدل البيك العواج!!
؛
اشلون تكطفني بحجاره
وانته بيتك من زجاج!!
؛
انه ما اطير اطيوري
بالهوه الجاب العجاج!
؛
الذيب يتمعن الراعي
قبل ليغط النعاج!
؛
والصكر لو يبقه خاتل
ينشره ابسعر الدجاج!
؛
هاك اخذ مني النصيحه
البيها كل الانفراج,,,,
؛
لو تحب الناس تنحب
بالوفه ايصير اندماج
؛
لكن ايكرهوك كونك
مصدر الكل انزعاج,,
؛
لو شفت نصب الجوادر
لازم اتأجل الزواج!
؛
حاول اتواسي التألم
لاجله عيش الازدواج
؛
لازم الدمعات غيرك
تنسه طاري الابتهاج!
؛
هيه ما دامت الاحد
دنيا كل يوم ابمزاج
؛
جم غني الكدرت تجيبه
ويدك باب الاحتياج!!
؛
المرض بالك تلومه
وانته ماجبت العلاج
؛
تنكطع كل ورده منك
كونك امفلت السياج!
حسين االساعدي
رد مع اقتباس
المشاركة الأصلية كتبت بواسطة فخامه رجل
