هنا

[Om Ahmed]

ابراج اليوم الاحد 07 يونيو 2020 منيب الشيخ

كل ما نقدمه للتسلية والترفيه، فلا يعلم الغيب الا الله وتبقى مجرد توقعات والله أعلم

القمر عم يكمل ببرج الجدي ♑
توقعات برج الحمل اليوم الاحد 07 يونيو 2020 منيب الشيخ

الحمل ♈

علاقات مهمة وناس وشغل وشهرة ..
من الايام يلي بتحملك تواصل مع اشخاص مسؤولين ومهمين وانتبه من مخالفة القوانين وفكر كيف تلاقي صيغة تفاهم او تستغل السوشل ميديا بشهرة تدعمك وكمان بتهتم بقصص بالبيت وانتبه من الحوادث ..
عاطفيا .. بيتواصل معك شخص مشهور وبكون في عاطفة مع اشخاص على مستوى ..

توقعات برج الثور اليوم الاحد 07 يونيو 2020 منيب الشيخ

الثور ♉

يوم لتعمل علاقات وتجيك حوالة مالية ..
غالبا هاليوم عم يكون عندك تواصل خارجي وقصص جديدة وتغييرات ايجابية اذا عرفت تستغلها وممكن شخص من الخارج يدعمك بمال وقصص جديدة وفكر كيف تستفيد من علاقاتك بشكل أفضل ..
عاطفيا .. انت بيوم جيد والعلاقات العاطفية عم تعطيك خيارات غير ..

توقعات برج الجوزاء اليوم الاحد 07 يونيو 2020 منيب الشيخ

الجوزاء ♊

استغل يومك ماليا واطلب مساعدة ..
من الأيام يلي بكون فيها عندك اخبار أفضل وخاصة انك كنت مدايق اخر كم يوم وممكن تحصل على مال من قصة شراكة وكمان في اوراق بتحصل عليها وعم تحل بعض الامور العالقة وتغير بوضعك ..
عاطفيا .. عم تكون الاجواء العاطفية قوية مع الشريك والاجواء رومنسية وممكن هدية تجيك ..

توقعات برج السرطان اليوم الاحد 07 يونيو 2020 منيب الشيخ

السرطان ♋

انتبه وهدي لان علاقاتك بخطر ..
من الايام يلي لازم تكون فيها دبلماسي ورايق لأبعد درجة حتى لو الكل عم يستفزك والمواجهات خاسرة عندك وفي اشخاص بتتفاجئ فين فانتبه وفكر بشغل شراكة لكن اي توتر بيحملك تصعيد خطير ..
عاطفيا .. مو مرتاح ويبدو في قصة عم تخرب كل شي والشريك ماعم يحس فيك ..


توقعات برج الاسد اليوم الاحد 07 يونيو 2020 منيب الشيخ

الأسد ♌

انتبه لشغلك وركز وراعي صحتك ..
عم شوفك تعبان شوي هاد اليوم وعندك قصص كتير لازم تعملها وماحدا عم يقدر تعبك وهالشي بدايقك ويمكن يساعدك اصدقاء عندك بس انتبه ورتب كل شي وصحيا كمان لازم تراعي وضعك وترتاح وقت تقدر ..
عاطفيا .. وضعك العاطفي عم شوفو عم يتغير وبدك اهتمام اكبر وتقدير من الشريك ..

توقعات برج العذراء اليوم الاحد 07 يونيو 2020 منيب الشيخ

العذراء ♍

عندك اوقات حلوة وحظ لشي مهم ..
بيدعمك هاليوم بالحظ لتحول نجاحك المهني لشهرة وعلاقات مع اشخاص مهمة ومسؤولة وهالشي بقدملك تحسن وضعك بالبيت وحتى ماليا فاستغل هي الظروف وتعامل بذكى مع اشخاص بتستفيد منن ..
عاطفيا .. عم تكون محل اعجاب كتار وخاصة انك بوضع عاطفي جيد لرجعة حب هاليوم ..

توقعات برج الميزان اليوم الاحد 07 يونيو 2020 منيب الشيخ

الميزان ♎

انتبه بالبيت ويمكن تغير مكان هاليوم ..
هاليوم بيدعم عندك انك تسافر او تكون بمكان جديد او حتى يكون في تغييرات عندك وبدي منك تتعامل بهدوء ضمن البيت وتفكر بتغيير بشكلك ووضعك وبيتك وكمان تحل المشاكل وتهتم بأهلك ..
عاطفيا .. العاطفة عندك مو بافضل حال بس لازم انت تفصل بين مشاكلك وعاطفتك ..

توقعات برج العقرب اليوم الاحد 07 يونيو 2020 منيب الشيخ

العقرب ♏

عندك اتصالات وقصص مالية وناس ..
عم تتحرك كتير هاليوم وعم تفكر بأكتر من قصة ويمكن تطلب مال من اخ عندك او تفكر بقصص ضمن البيت وبتتلقى اتصالات من ناس كتير وغالبا بكون في قصص اوراق عم تحلها كمان هاليوم ..
عاطفيا .. عندك اخبار حلوة وتواصل بيدعم علاقتك مع الشريك فاستغل هالشي ..

توقعات برج القوس اليوم الاحد 07 يونيو 2020 منيب الشيخ

القوس ♐

بتشغلك قصص مالية وهدي هاليوم ..
عم تحس بكسل نوعا ما وعم تحتاج راحة اكبر بهاليوم وغالبا عم تفكر بأمور مالية وشراكات ولازم تهدي اذا بدك الامور تنحل وماتكبر وكمان ماعم تحس بأمان واستقرار وممكن يخطر عبالك تطبخ انت هاليوم ..
عاطفيا .. عم تنشغل بكتير امور ويمكن تحس انو العلاقة مو تمان وفي برود وعدم اهتمام من الشريك ..

توقعات برج الجدي اليوم الاحد 07 يونيو 2020 منيب الشيخ

الجدي ♑

احسم امورك بالشغل وفكر بشي جديد ..
من الايام يلي بتساعدك وبتدعمك على صعيد وضعك بالشغل وبتخليك تعرف كيف ترتب امورك بشكل افضل ويمكن تبلش شغل جديد وترتاح صحيا فاستغل هالظروف لصالحك وهدي مع المقربين منك ..
عاطفيا .. خليك رايق وفكر صح وعندك قصة حب عم تكبر بجو الشغل ..

توقعات برج الدلو اليوم الاحد 07 يونيو 2020 منيب الشيخ

الدلو ♒

عندك شي عائلي ومالي شاغلك فانتبه ..
من الايام يلي فيها فرص شغل ضمن مؤسسة كبيرة لكن في موضوع بخص طفل بيشغل بالك وكمان ضمن العيلة ومالية مو مستقر وضعك فانتبه وهدي وخلي كل شي بعيد عن الناس اذا بدك تكمل معك ..
عاطفيا .. وضعك العاطفي بكون منيح بس اهم شي تكون علاقتك بعيدة عن الناس ..

توقعات برج الحوت اليوم الاحد 07 يونيو 2020 منيب الشيخ

الحوت ♓

عندك علاقات حلوة وخاصة بالبيت ..
عم يكون عندك لمة ناس بالبيت واجواء عائلية واجتماعية حلوة وعزايم مع الأهل وهالشي بحسن من نفسيتك وبكون في مساعدة منن الك وبتقدر تتعرف على اشخاص جدد وتكون ببيت غير بيتك ..
عاطفيا .. الوضع منيح وخاصة انت بتحب الكل يهتم فيك ويبدي اعجابو وهالشي بصير هاليوم

[الملاذ الاخير]

يسلموا لنقل الابراج ست

[Om Ahmed]

يسلموا لنقل الابراج ست

شكرا لك

[Secluded]

يسلموو عيوني

[نـارڤـين]

تسلمين