طيبه اكلوبنه ومانحجي كلمه
كل انسان يفهمنه ونفهمه
مو بالصوت نحجي وننقل احساس
لغتنه احنه الاشاره وتشهد الناس
بلغتنه نوصل المعنى و نرسمه
طيبه اكلوبنه و مانحجي كلمه
ميهمنه الحجي وتهمنه الافعال
واحدنه شهم ويهز الاجبال
بسيطه احلامنه وماردنه كلشي
بمدارسنه العزيزه ردنه نمشي
اواحدنه طبيب يصير حلمه
طيبه اكلوبنه و مانحجي كلمه
اني انسان عادي واملك احساس
مو شجره وتحطم حلمي بالفاس
بحساسي اسولف واني صابر
اكدر اجتهد وادرس وكابر
وبدون الدراسه نعيش زحمه
طيبه اكلوبنه ومانحجي كلمه
عزيمه وصبر واصرار واراده
كلهن عدنه ونريد الشهاده
مثل الناس ردنه انحقق احلام
لكن للاسف ضلمتنه الايام
الينصفنه صدك يتسمه زلمه
طيبه اكلوبنه ومانحجي كلمه
اليحط ايده بدينه ايرد الافراح
ندعيله يعيش العمر مرتاح
اليحجي اهمومنه ويداعي بينه
نقدمله الورود أبهاي ادينه
واليضلمنه ابد ميدوم ضلمه
طيبه اكلوبنه ومانحجي كلمه
كلمات الشاعر جبار العامري
رد مع اقتباس
