وطن ردنه يلمنه ويستر الحال
خاطر ماتبات بشارع اطفال
وطن نحتاج كلنه
بيه انلم شملنه
وانعمره بدينه بزود الابطال
وطنه ردنه يلمنه ويستر الحال
وطن نحتاج بي عز وكرامه
مو مبيوع ومتيه احلامه
ضلمنه اهواي حبه
عشنه بكاعه غربه
وحجينه ومايهمنه القيل والقال
وطن ردنه يلمنه ويستر الحال
تظاهرنه وهتفنه بصوت واحد
وقتلنه الطائفيه ولله شاهد
حزن ينزف جرحنه
وابو التكتك سعفنه
بالتحرير كون انحطله تمثال
وطن ردنه يلمنه ويستر الحال
كلمات الشاعر جبار العامري
رد مع اقتباس
