حبيباتي
حبيباتي
انه قمصان البنات انه ترجيه وضفاير انه موعد للغرام
انه بعيون الحمام...
كل كلب دافي حنينه ايام عمري
وكل نهر من روحي يجري..
وكل قصيدة انكتبت انه
وكل صحاري الله قضيتي وكل هوية تريد تبدي مني تبدي ومن هويتي..
انه مثلك هم احب واكره وكول الناس جذبه
والوطن جذاب
والدنيا غريبه
صوتي صوتك
همي همك والفرق بيناتنا كلبي وسمارك والحبيبه..
كلت عني يموت شاعر وانه عنك ماكلت والشاهد الحب والكصيبه..
الفوك بابك شكتت بالوانها احروف الجمال
والمراجيح ولعبها
وضحكت امي والبراءة التراسه عيون الجهال...
بالجرايد تلكه
نغمه تريد تكبر تكبر بكبر الحلم والشوك خايف
وبين موسم
باع موسم تلكه مجموعة مواسم شايله اعله جفوفه حزن الصرايف..
وانت بعدك تلعب بروحي وتبجني وتطش ايامي كله وتزعل وترضه وتوالف...
احرك البوب وضواها وحط ضلام وحط جسر
وحط صوري وصورتك والليل وجروحي وغلاتك والسنين ولوعتي وجذبك جسر...
بس ضميري يعدي ناسه
وانت ماعندك ضميري يعدي ناسك
انه بس ضيم العراق براسي يفتر وانت بس ليل الملاهي
افترله راسك..
عوف بجوفي الورد والحنه والدم
عوفني احلم
عوف بيه الناس كله وشيل رسمك من خيالي حروفي من دم..
انه ابوي الباعني ومارد شراني
انه تاريخي تعب ووجوه بيهه الحزن ثاني..
اسمي
مثلي يعيش وتكتله الأغاني
شاعر اني؟؟
عزيز عسكر
رد مع اقتباس
