انكسر واهس فرحتي لمن امشيت
وجرح الروح صار بغيبتك ناي
ولان طيفك يمرني بوحشة الليل
اقنع روحي اكولن بعدك وياي
صدى صوتك ندهني وردت الروح
وابقه وياك اسولف وانت ماجاي
هواي انت وعفتني بصحره وجفيت
وكلي اشلون اعيش بلاهوه وماي؟
حزينه ايامي بعدك والفرح ضاع
ومن فركاك ابجي الليل ببجاي
خلص عمري وبعدني متاني ملكاك
واشوفك نجمه باقي وتضوي بسماي
السهر بغيابك ايفزز بالجروح
وكثرن مااني حاسب صارن هواي
يطعنوني ابحجيهم لمن اشتاك
ومن كثر الطعن ماتلكه مكفاي
الشاعر جبار العامري
بوح رائع ، شكراً لسعيك الطيب
جميل ..عاشت ايدك ياطيب
عاشت الايادي
نص جميل
جميل جداً ... احسنت
عاشت الايادي
شكرا لكم
عاشت الأيادي...
نص جميل ...
شكرا كلك ذوق
رد مع اقتباس