الشيب
ياسائله عني اتركي حالي لحال ماتطيب
رجواي رجوى من راجي الجنة وهو مايوم تاب
لو تتركيني لعلتي والصمت عن هرجي يجيب
لاتسأليني شالذي يبين مراسيل المشاب
لايدهشك شوف المشيب اللي بدى ماهو غريب
وش عاد لو راسي غدى أبيض وأنا بعز الشباب
ذا نور أيام مضت راحت مع ذاك الحبيب
ذكراه يمكن غيرت لون الشعر والراس شاب
منظر شباب شايب يبهر ولكن مايعيب
العيب من ينسى عهد أقسم له برب الكتاب
لالايكدر خاطرك شوف الشعر لونه سليب
وش عيب وضاح القمر لو بان في ليل العتاب
هذا مهو شيب أبد هذا بقايا من نصيب
الشيب في وسط الحشى ينبت على أطراف المصاب
يمكن جروحي بدنيتي لو يدركه راضع حليب
شيّب قبل لايبتدي في لثته ضرس(ن) وناب
لاصدقي ماهو بشيب لاصدقي ماهو عجيب
لوعلتي يبوحه شيبي نبت فوق الثياب
الشيب لامني نظرت الوان دنياتي تغيب
الشيب لامني نظرت الكون واحه من سراب
الشيب لامني طلبت الموت وأكفى مايجيب
الشيب لامني أعيش الموت وأحيا به عذاب
أشيب لامني أصيب الفعل وبخطي أخيب
وأعوّد في جرح(ن)قوي أعالجه ودواه خاب
الشيب لامني أداري الدمع عن أقرب قريب
وكل مابكفي أمسحه القاه عاود ثم راب
الشيب لامني أكون بديرتي مثل الغريب
وأمشي معى ناسي وأنا فكري بعيد(ن)بغتراب
الشيب لامني أطفي النار بكفوف اللهيب
الشيب لامني كسير النفس في جسم مهاب
الشيب لامن أدفع الدنيا وسيلة للحبيب
وألقاه لحظةماأوصله جثه يغطيه التراب*****
شعر// محمد الجربا
رد مع اقتباس
المشاركة الأصلية كتبت بواسطة كبريائي قاهرهم
