هنا

[Aabdullah]

العزيز عبدالله لسنا في المانيا ولسنا في العام ١٩٤٥ كل الجوانب الحياتية تغيرت ،النساء اليوم لسن بحاجة للطعام ..القليل فقط بما يحفظ لها كرامتها ،مااعرف ليش هالاستحقار للمراة والتقليل من شانها ولازم تعيش الواقع المرير وتكون سعيده بيه لازم تنذل وتضحك وتفرح والله شنو حتى تحصل على طعام !!!تره المراة كائن بشري مو حيواني حتى هذا يكون هدفها الاول الطعام لاجل استمرارية حياتها ، ولا تمرر التجربة الالمانية وتاخذها قياس انه شوفوا الالمانيات اشلون تحملن وتعالن يالعراقيات صيرن مثلهن ..
ولا الارملة تموت وره رجلها زين اذا هو مجان محقرها ولا ذالها فعلى شنو تموت وراه؟
عبدالله يمكن لانك من الجنس الاخر فجاي تحجي ببرود هههه وتعالوا تحملوا قساوة الرجال ،زين ليش ما الرجل يصلح حاله ويقدملها الاحترام والعزة اللي تريدها ؟مو هو اللي جاي يدفعها حتى تقتل نفسها ،هو المجرم الاول بالموضوع بس ماكو حساب اله او حتى ذكر انه اساس الحياة الزوجية الاحترام المتبادل دائما الملامة على المراة لانه مالها احد ينصرها ..
اني مو مع قضية الحرق ابدا وحجيت هالشي بس الرجل هو المذنب الاول وهو اللي يدفعها للقتل لو لاكيه حب منه او اسناد قليل او ترضيه او كلمة حلوة واصبري وميخالف جان ماطلع عقلها من راسها..
والله بس اترد احجيلك مواقف اتخليك اتغير نظرتك كليا بالموضوع ههههه فرجاءا لاتدفعني احجي..
شكرا يالغالي

يا سيدتي كان أستشهادي بنساء المانيا حتى أبين أهمية الحياة وتمسكهن بيها رغم قساوة الظروف الي تحيط بيهم
كانوا يقدمون التضحيات حتى تستمر حياتهم حتى لا يموتون .. وفعلا بعد فترة تم سحب الجيوش المحتلة خارج المدن وتوقف التعدي على النساء
العِبرة بالقدرة على التحدي وقراءة الواقع والمستقبل بعين طموحة .. هذا ما كنت أقصده وليس أن تعيش المرأة العراقية ذليلة من أجل الطعام

بهذا الموضوع أبداً ما بررنا قساوة الرجل تجاه المرأة لكن نقول قتل المرأة لنفسها غير مبرر بأي شكل من الأشكال

لا ما راح أرد حتى لا تحجين وتخليني أغير رأيي


العزيزة سوزانا
يزداد الموضوع نورا كلما رجعتي

[،،،،،،،،،]

اعرف وحده حرقت نفسها لأن زوجها مخلاها تروح ( لعرس أقاربهم ) !
المشكلة أزلية عبد الله ، دون الحاجة للخوض في مقومات الاسرة والدين .. الله يسترنا من شرهن

[عدنان الواثق]

إذا رجلها مو خوش إنسان وموريها جهنم
ليش ما تعوفه ؟؟ غير هي لزكه

سامع بالصورة والصوت أيضا أن بعض النساء يومية زوجها يضربها ويطردها بس يريدها تروح لبيت أهلها وما تقبل تعوفه
عندها أستعداد تخونه بالجملة .. وتتحمل أنواع البهذلة وقلة القيمة بس لا تتركه لوحدة غيرها تاخذه منها ... شني هاي ؟؟!!

أنرت عزيزي عدنان

يعني اني وانت متفقين أن السبب بنا نحن الرجال وليس بالمرأه المسكينه هذا واضح من ردك وردك ايضا يفضي الى وفاء المرأه اللامنتهي وخيانة الرجل اللامحدوده وتگلي ماتحرگ نفسها عمي أني أحرگ نفسي اذا ماتقبل

[Aabdullah]

يعني اني وانت متفقين أن السبب بنا نحن الرجال وليس بالمرأه المسكينه هذا واضح من ردك وردك ايضا يفضي الى وفاء المرأه اللامنتهي وخيانة الرجل اللامحدوده وتگلي ماتحرگ نفسها عمي أني أحرگ نفسي اذا ماتقبل

متفقين لكن أكو هواي طرق للموت أفضل من الحرق ... أسرع ومو مكلفة وكذا
يعني المفروض الواحد ينتقم من نفسه بطريقة خمس نجوم ، أخاف نذكر هذه الطرق للموت ويصير تحريض على العنف وتنحجب تغريداتي مثل عمنا ترامب


العزيز عدنان