هنا

[»! α м я o s ћ y ‹•]

السلام عليكم..

اليوم المواطن العراقي منقسم شطرين ودانشوف طبقة كبيرة تريد تفرض الحضر بجميع انحاء العراق

بالمقابل تدعو طبقة الايدي العاملة بالاجر اليومي الى فتح الحضر لسد احتياجاتهم اليومية..

سؤال: دتلاحظ عزيزي بأنه العاملين بأجر يومي فقط الي يطالب بفتح الحضر؟ ومن تسأله يكولك ماكو مرض هاي كلاوات كله حته يرجع يشتغل ويعيش اهله

سؤال2: تلاحظ يروحي بأنه الموظفين بدوائر الدولة يطالبون بفرض الحضر نظراً لخطورة الوضع الصحي؟

مداتلاحظون بأن الموظف اليوم صار من جماعة #خليك_بالبيت ومايريد يداوم بحجة الحضر؟

سؤال: دتلاحضون بأن الحضر اليوم ديتحول بشكل تدريجي من صحي الى امني؟​

اكو شي ديصير والحكومة بحجة الوباء تفرض حضر ؟؟؟

المساحة الكم.. تحياتي

[عدنان الواثق]

بالنسبه للحضر وتحولاته الى أمني هاي واضحه جدا فهو أزامن وي المظاهرات وأفضل طريقه لأطفاء نارها بالحضر وفترة تشكيل الحكومه على مزاج الأحزاب اما بالنسبه للقسمين من الناس فالموظف مادام يستلم راتب بعد شكو يداوم وهو أصلا چان شيسوي من عمل غير الرشاوي والفساد الا ماندر من بعض طبقات المجتمع المتمسك بمبادئه وهذولي شذوذ وقله ومحاربين بسبب انعدام الوطنيه الحقيقيه وفقط الانتماء للنزوات والمصالح الشخصيه الضيقه . اما بالنسبه لاهل الاجر اليومي وماعدهم راتب فذولي هم الطبقه المظلومه حقا لان الحظر قطع كل السبل لكسبهم فحتما يصارعون من أجل البقاء وبنفس الوقت يشوفون الموظفين جاي يشتغلون بالتكسي قسم وجماعه عدهم محلات واسواق ومامعزله في أغلب الاحيان بحكم العلاقات وجماعة الطاگين يحرض بالمتظاهرين حتى يغلقون دوائرهم وهاي حقيقه طبعا وجماعة اهل القرار مفتعلي الازمات هم يستفادون بشكل مادي وملايين الدولارات بحجة مصروفات الأزمه واخيرا الوشيعه مخلبصه ومنوا يفلها

[سيف حسين]

الان الكوادر الطبية يتمنون يجيهم خبر باصابة شخص في اى منطقة
يسرعون لحجره ويسجلون طلعاتهم الجوية والبحرية والبرية ويوثقونها لسبب واحد
وهو امدادات متظمة الصحة اليونوسكو بمكافءات مالية تصل لخمس اوراق لكل حالة علاج قامو بها

والموظفين طبعا اجتهم من الله وين لاكيهة كاعدين ببيوتهم ويستلمون راتب اصلا يتمنون بقاء الوباء

اما المغضوب عليهم فهؤلاء يتمنون رفع الحظر ويكسرونه دائما لاجل اطعام عوائلهم

[Aabdullah]

أكيد كلٌ يغني على ليلاه
الي يحصل راتب وهو بالبيت يفضل عدم الخروج والكاسب يتمنى ينتهي الحظر حتى يكسب رزقه ..

الحظر صحي والوضع خطر ..لكن الدعايات الفيسبوكية تشتت افكار الناس وتفهمهم فيروس كورونا مجرد أكاذيب بالتالي يقل الألتزام وتتفاقم الأزمة.


شكرا لك

[ام اولادي]

السلام عليكم كل عام وانتم بخير تحياتي لك اخي الكريم موضوع مهم الحظر في بلدنا اصبح لعبه حالها حال غيرها من الامور تلاعب بحياة الناس ومصائرها الحكومة لما تفرض حظر ممكن اعرف شنو قدمت بدائل خاصة بالنسبة للعامل اللي كان يعمل باجر يومه حتى يوفر المعيشه لعائلته هي المنحه ولسه محد شافها رايحين يقترضون حتى يوفرون رواتب الموضفين مابيها شي لكن الطبقة الفقيره منو يقترضلها يعرفون كم عاطل عن العمل بالعراق يعرفون كم واحد ساكن بايجار وحتى مافكروا يشرعون قانون يخص الايجارات في ضل الازمه مثل مافرضوا الحظر وحتى الحظر وين الالتزام الناس شلون تتحرك من منطقه لمنطقه باي طريقه وقسم منهم مو مشمول بالاستثناءات كيف يكدر يتحرك براحته وهل تفشي الحالات بهذي الطريقه مساله طبيعيه اكو مناطق مكانت بيها ولا حاله لو اكو التزام وحظر حقيقي مكان انتشرت اكو مراكز تجاريه ماكو مكان الواحد يوكف وين الرقابه وشنو فائدة الحظر اذا كان الازدحام بهذي الطريقه للاسف الامور في بلدنا متدهوره والسبب واضح واللي جاي يدفع الثمن هو الفقير لان مابقت لا انسانيه ولادين قبل كم يوم حالة ام لطفل مريض ماعدها ايجار وتناشد اهل البيت انو ينزللوها من الايجار ويرفضون بحجة انو ماعدهم اهل البيت راتب مع انو اصحاب البيت يسكنون في بيت جدهم الملياردير ويركبون سياره فارهه ويرتادون احسن المراكز وحتى لما تجي زكاه يسجل اسمهم باول القائمه ويحصلون على اعلى مبلغ من الزكاة ويرفضون ينزلون مبلغ من الايجار لام تناشد ماجره حتى تعالج ابنها المريض والدوله مافكرت تلفت لهذي العائله وين الدين هنا ووين الانسانيه ووين الحكومه وغيرها وغيرها من الحالات الزكاه اصبحت الان تعطى للميسورين وليس للمساكين والرواتب تعطى لاصحاب العقارات والسيارات لكي تزيد من جحودهم وتسلطهم والفقير يتمنى مئه الف بالشهر ومايحصل عليها البلد محتاج رحمه من الله حتى توضع الامور في مكانها الصحيح بهذي الحاله ممكن يصلح اما اذا لم تنزل رحمة من الله فلا فائده....تحياتي لكم بارك الله فيكم

[Suzana]

سؤال: دتلاحظ عزيزي بأنه العاملين بأجر يومي فقط الي يطالب بفتح الحضر؟ ومن تسأله يكولك ماكو مرض هاي كلاوات كله حته يرجع يشتغل ويعيش اهله
هو يدري الوباء حقيقة بس يعتبرها كذبه ويحاول يصدق الكذبه ويحولها الى حقيقة اما بسبب ضعف بالتفكير او يريد يعيش اهله باي طريقة وهذا حقه.
سؤال2: تلاحظ يروحي بأنه الموظفين بدوائر الدولة يطالبون بفرض الحضر نظراً لخطورة الوضع الصحي؟
الموظفين لو صار دوام فاتشوفهم اول الناس بدوائرهم واحجي عن المدرسين والمعلمين لانه يشكلون الاغلبية فاذا طالبوا او مطالبوا بالحظر ، الاعتماد والقرار لخلية الازمة وليس للموظفين.
مداتلاحظون بأن الموظف اليوم صار من جماعة #خليك_بالبيتومايريد يداوم بحجة الحضر؟
شنو المطلوب من الموظف يسويه كحل لانهاء ازمة الوباء حتى لايصير من جماعة خليك بالبيت ؟
سؤال: دتلاحضون بأن الحضر اليوم ديتحول بشكل تدريجي من صحي الى امني؟​
لا مااعتقد انه القضية أمنية كتلوا 900 متظاهر والحكومة والاحزاب صامدة ومستعدين لقتل كل الشعب في سبيل البقاء على كراسيهم ومايهمهم شي..مادام تفكيرنا مؤامراتي مدن كاملة راح تباد مع انهيار تام لمنظومة الرعاية الصحية..

شكرا

[المستشار القانوني]

الحظر ضروري يحمي حياة الناس من هذا الوباء

[تاروت الملكة Queen Tarot]

الحظر ضروري يحمي حياة الناس من هذا الوباء

جواب حال مقنع