هنا

[فقار الكرخي]

برد سن الرسايل والفجر لاح
وعگدت رموش عيني ويه التصاوير

تترسني وتبدي بروحي شمات
وجهي مرايه لعيون النواعير

مو ذنبي من افز بالليل مرعوب
ذنب احلامنه الماتقبل تطير

الجنت اسال عليهم من يغيبون
خشب سووني بحلوگ المناشير

ينزف سكته فوگ چفوف طلاب
حزن صبوره عاش عله الطباشير

اليعطش يلگه روحه بساجية ماي
التيه ماتفيد ويا تدابير

عشت انسان مات بداخله انسان
مثل موتت الضحكه عله التعابير

اتكسر والمني .. ومامش چفوف
واستاحش ضحكتي بنص خطاطير








م

[انثى مخمليةة]

تسلم فقار