إبن الشيخ محصن بالله
إبن الشيخ محصن بالله
مدعوم بكُل أغنام الله
يفلت من كف الذباح
وأبن السيد جاي امن الله وماينلاح
اومن يلاح...
لازم كون انمصمص بيده
إحنا عبيده.
ومن ايضوج... انمصمص حتى اشيائه الأخرى
السيد لازم يرتاح.
ومانتكلم ويا جلفي
يتقزز من(چـــا)(گلگامش)
السيد يكره أي شي شعبي
وحدة شعبي.
شاعر شعبي
ماقر خبز الحشد الشعبي.
القروا للسستاني ارواح
حاشى المرجع.
أسمع صوت السيد نائب
يطرق أُذنــي
كنه نُباح
(خازوق)انخلي بأخت امه
إبن العاطل؛وبن العامل؛والفلاح.
ياوطني..المغصوب امروه.
مو بالگوه.
حيل تحب زرور المومن..چي لفاح
يشفط(بترول)امك كله
ويبخر يمك ومكيف
حسبالك ريحة قداح
قندرة المومن كشفية
بيها نداوي العقل النامي
بيها نداوي الفكر الصاعد
بيها انداوي هذوله الكفره
(العلمانية)الدُياح...
يا وطني الفوگ الچرباية
وفوگك لحم الساسة اسلاح
صوت..الهز...البالچرباية
وهسّ جيرانك باعضائك
وطبولك وداية نوم
وكتبوا يم بابك سُياح
قفل الوطن تملوس كلش
كلسا نغتصبه بمفتاح...
نام؛...وأش..بدون اصياح
وليش انصيح
هو القاضي موقع راضي
وعرضه مُباح.
ماسأت ياوطني اخلاقي
بس نارك تحرگ بعماقي
ياشرف الكوكب تاليتك
أي لص بالكوكب يتصنف هذا عراقي.
انهض يابلد القيثاره
خل غضبك تعزف اوتاره
احسينك موقبة؛مناره
ثورة.أو موقيمة اعله زياره
مزق.(مـزوية)العياره
وأبني حضاره
وخاف ترد حفلات الموت
وتوصلك دعوة تابوت
مزق ورق الدعوة بأيدك
وحطم كل(تاهو )وجگساره
سولك حفلة لطم الوحدك
أقم المجلس فوگ المجلس
والطم بالسبابه اكباره
ولاتدعوُله فضيلة شيخ
انعى الروحك.
اقرا نشيد الثورة امن الطف
خلي(جُحى)ياخذ بسماره
أرفض حكم الأُسر الأموي
أرفض كل طبقي وافكاره
فاليسقط كل شي اقطاعي
واليحيى السيد جيفاره.
عدنان البركي
رد مع اقتباس
