مثل موت النخل شاخص يموتون
سلام ع الدمع حاير بالعيون
و سلام ع النزف حد صفرة اللون
وسلام على النشامى الوافو الكاع
ومثل موت النخل شاخص يموتون
وسلام على الذهول بعين الاطفال
رضعو ديس الوفه وباجر يكبرون
وتهون ...شما طفح ميزانها تهون
الوكت صهوه مهر وتجيب البطووون
وعرفنه السلّطوا سيف الوصايات..
باسمنه شكد حجوا..
وشكد يجذبون..
وعرفنه الريح من تگصي ويه الاشجار..
يوهسها الكطع بالخاويه ودون..
الشمس غاية وشرف لليعشك النور..
ودرب گرص الشمس من كال مامون..!!
عريان سيد خلف
رد مع اقتباس
