ب ١٠٠ وش
من المسلسلات الممتعة والمسلية اللي انظلمت كلش بالمتابعة وقليل اللي تابعوا هذا المسلسل مقارنة بالمسلسلات الثانية
المسلسل جمع بين الكوميديا والدراما والاثارة بطريقة رائعة وباسلوب واقعي مميز
اخراج المسلسل كلش عبقري من المخرجة كاملة ابو ذكري اللي كدرت تجمع كل هاي العناصر بطريقة
كلش متناسقة ومتناغمة وابد مصار اي نشاز مثل المبالغة بالكوميديا على حساب الدراما او العكس
بالعكس اجواء المسلسل كلش واقعية وممتعة واختيار الممثلين كان غريب وعبقري لان اغلب الممثلين
باستثناء نيلي كريم واسر ياسين هم ممثلين مغمورين لكن شاركوا بقوة في بطولة المسلسل وقدموا اداء
كلش كلش راقي وكانوا متناغمين وي الاجواء اللي رادت المخرجة خلقها للمسلسل واكيد هذا الشي هم يحسب للاخراج وكذلك للممثلين
اللي اكيد صنعوا لنفسهم اسم وقيمة فنية بعد هذا المسلسل واعتقد راح يزيد الطلب عليهم بالسنوات الجاية
وتم التنويه على وجود جزء ثاني للمسلسل
اللي مشاف المسلسل خل يشوفه ويستمتع باجواءه وينتظر الجزء الثاني لان فعلا يستحق المشاهدة
تقييم المسلسل : 8.3
تقييمي : 8.0
رد مع اقتباس
المشاركة الأصلية كتبت بواسطة ПộR
