احس ابصوتة نبرة دافيـة وكلشـ حنينة
چآن يلفيني الهجر وصبح حزينة
وچآن ابوي ايروح منـي
اوبعد ماكو ابضلي خيمة
صرت بس اذكر سوالفنة يهل دمعي
ويگلي الدمع لو طآح فدوا اولا تلمينة
چآن كلة افياي من يگعد
مثل خيمة علينة
حتى من يحجي
احس ابصوتة نبرة دافيـة وكلشـ حنينة
كلشي عدا
وعدن اسنين العمر بس ماحچينة
لا گلت من الهضم مخنوگ صدري
اولا گلت نيران احس بضلوعي تسري
ليش من دون الخلگ عيناي تجري
اوليش ماعندي ابو يسندلي ضهري
صرت احس اگيود ملفوفة اعلة نحري
اوصرت من كلشي اختنگ چن خلص عمري
گالو ابنيه ....
اوگلت ياروحي اصبري
وانة ادري
ادري اضلن دوم مغلوب اعلة امري
ادري ما ارتاح بس من يهل فوگي اتراب گبري
حوراء حرب
رد مع اقتباس
