و أمس وي الليل إجني
طيوفچ إيمطرن چفافي
صارن نجوم بسماي ،
وچان كل النجم طافي .
وغرگني
بحسچ ، بصوتچ الدافي .
وذكرني
شلون چنت انظم وصوغلچ گلايد من قوافي
وذكرني
شلون چنا نبوگ لحظات المسامر والتصافي
وذكرني شلون
چنت اوگف ثلث تيام
اتاني بباب مدرسة الرصافي
وذكرني بيوم گتلج
لون دربچ من گزاز يصير أجيچ بجدم حافي ؟
وذكرني بيوم گتلج
خلِ نطلع للهوه ولنگول كافي
ولو بطينا ،
ونشدواْ اهلچ
گولي عدنا اليوم ثلث دروس إضافي








كاظم خبط .