ابد ما ساد بابک بعده مفتوح
بعدهی اچفوف ادي تنتظر شبگات
وبعد شمعات گلبی اباخر الخیط
امضویلک درب بیه تلگه دمعات
ابطریجک من جفاک اعیون شریت
و شلعت الجفن لا یغفی لحظات
بچه ابونی حجر و الورد ذبلان
و لمانی الخجل و ابگصتی نگطات
طفل حبی و فگد بسنینیه ارباه
الیتیم ایضل ابذمت یا شریچات
النهر ما دام ضیگ اعبر اویای
الناس اعله السهل تحچی اتهامات
الیمر اب ازمه لیش ایدنگ الهام
راسی الحد رکبتی غیض آفات
طفح کیل اشتیاگی وانتفض لیک
انه و گلبی نطلعلک شعارات
من ساعت جفاکم ابچی الاعیون
ابشلیل الگاع تلگه افصوص وجنات
طف ابگلبی بس ما یوجد احسین
الکل رایات حمرا و بس سهامات
غیضک ک. الحیایه ابچله الگیض
من اشیل الجدم تتلگانی گرصات
حسن خلقک و یوسف ینحسب توم
وین الگه العبایه اترجع الفات
الملح مبخوت بس الصوچ بل ناس
چا لیش البحر ما صار بد ذات
منتظرک بعدنی و عتب مال اسنین
اخجل بسوالف چنی الک ثارات
صفنه ابروحی شایلهه ابخلگ ناعور
گمت اشبگ الفاله ابضنی وردات


کثر شوگی و امد ابصلح چفین
شرها و عنی های الناس چفین
الیالی من الصغر ویای چفین
لهسه وما حصل چف عون الیه








لفته الساری