هنا

[عبق الهوى]

العيد و المنتظِرون:

غثنا الظلام ابغيبتك و استوحدتنا طلايبة
يابن البدور الساطعة، الأفراح دونك نايبة!

اتحزّم دهرنا على الظلم، و ابشيعتك سیفه انحد
حز رگبت احلام السعد، الآمال ضلّت خایبة!

و ابباب هجرك یاالشمس،غرّب ضعن کل فرحة
الحد ما تفك باب الوصل، نلگه الفرح هم جایبة...
ا
غیبت هلالک سیّدي، تفطر گلبنا ابکل عید
العيد، من ترجع ضوة ابعين الليالي الكايبة...

يا مستهل العافِية و عطر الربيع ابجیتک
هل نسمة و اتمرجح دمع، رمش التنطرک شایبه!

شَفّ الهجر جسم العمر، حیل الصبر هم خلّص
مرضی و نلوج الشوفتك، نلگه الخلايگ طایبه

بينه الوكت لمّن غبت، يكسر كسر بأهوالة
مُر بینه یا فجرِ الفَرَج، صَلْح الأمور العایبة

رد يا بقيّةْ الله يا نور الحسين ابوجهك
الريحة الله و عترتة، گلوب التّحبکم ذایبه

مو توصل اخبار الهضم؟ و تشوف حال الشيعة...؟!
ابجاه الرئوف ارئف بعد، ضاج الگلب بترایبة..

الأيّام صبخة و مُتْعِبة، اصبیر الوَسن مالیهه
الكون انت رويحتة و روحة بغيابك غايبة...!

عيدك مبارك سيّدي و كل عام الأقرب جیتک
إقبلها من القَصِّرَت و من الذنب ما تايبة...!

و اهنا يمن چنّة و چنت، عيد الفطر ماينشاف
يابن البدور الساطعة، الأفراح دونك نايبة!

✍.الشاعر حیدر الحدّاد الکربلائی

[انثى مخمليةة]

حلوو

[¥محبوب$القلوب¥]

احسنت النشر في هذا الصرح الجبار

[عبق الهوى]

فداك القلب

[عبق الهوى]

شكرا لفضلكم


ابرضاع الطاهرة الغذّة والک در
یبوصالح نحلفك رد والک دور(ج دار)
ابگلوب الشیعه مبنیّه، والاکدار
تزيح ابطلعة المهدي البهيّة
د.ابوعلي النجفي