اهنا يمن جنه وجنت هجرك مرد دلالي
مثل ام ولد طاح ابحر هيج انه صاير حالي
مفرفح دليل بغيبتك
انطر اسنين الجيتك
كلبك هوى غير اعترف يالخيبتلي امالي
اهنا يمن جنه وجنت هجرك مرد دلالي
اهنا يمن جنه وجنت شنهي الي غير حالك
تتعده من يمي وتمر وماجني انه كبالك
زعلان مني لو جفه
يل علمتني اعله الوفه
ماردت من ربي كنز كل حلمي جان اوصالك
اهنا يمن جنه وجنت شنهي الي غير حالك
اهنا يمن جنه وجنت وين اليالي الحلوه
يالجنت لجروحي دوه وليامي انت السلوى
ماظل وتين تكطعن
وعيوني بجفاك انعمن
ريتك بعيد واعذرك بس انت عني بخطوه
اهنا يمن جنه وجنت وين اليالي الحلوه
اهنا يمن جنه وجنت ليش اصبحت جتالي
نبتت سهم بريتي واشهك وكول الغالي
لو موسهم شجلك رمح
وبجرحي حطلك صم ملح
تبقى حبيبي ودنيتي وماغيرك اليحلالي
اهنا يمن جنه وجنت ليش اصبحت جتالي
اهنا يمن جنه وجنت هانت عليك ايامي
بغفله صرت اكبر عدو تعاون علي ضلامي
شنهي الذنب شنهي الجرى
انشد بروحي وحايره
يالجنت اضنك عون الي وبالشده انت حزامي
اهنا يمن جنه وجنت هانت عليك ايامي
{{{{حنان}}}
رد مع اقتباس
المشاركة الأصلية كتبت بواسطة ملح السالفه
