((((((((((((((((انا عراقي))))))))))))))))
كفيت الردن .....وشديت راسي شماغ
البي ريحة اخوي ...الضحى واستشهد
ومن رحمة محمد .....خذت شي للروح
حتى اعله اليتامة ............الكلب يتودد
شلت سيفك علي ....؟ومن يكدر يباري
ذو الفقار هذا ...............العالظلم منحد
جبت غيرة عمر ...........وتحزميت حزام
ابو الفاروق ..............يلي عالكفر ماارتد
وبمتاعي احط .........شيلتها امي وياي
حتى اشتم عطرها .....وعالصعب اصعد
كالوا .. طائفي .. وبعثي .... وابن ارهاب
لا....... اني العـــراقي وغيرتي التشهد
جبل.... عــــز وكرامة ... ويشهد التاريخ
إشما تعصف رياح الظلم ........مــــاانهد
لك اني من اثورن ...... امشي فوك النار
والجمر الادوسه .......من الخجل يجمد
انـــــــه اول حضارة وانــــــه اصل الخير
وغيره البيه آنه...... مــــــورثه من الجد
يالتاهمني زورا" !!! ......اسمع الجلمات
انـــه ابــــن الـــــرمادي الناري ماتخمد
ابن العمارة اني ........ بــويه جان اهناك
فزع للملحه بـــــويه .... بطيحة الجرغد
ابن الفــــــــاو .. اني ... وجدتي الفيحاء
واهلي اهل الجنوب ........ وافتخر وازهد
صلاح الدين عيني .... البيها اشوف النور
لذلك للمات عيوني ..... مــــــــــــاترمد
ابن الموصل اني .......... وابن كردستان
وعلى العايل اغير............. بــ آزر واحمد
انا الغيره البيه.. ريحـــــه من عبــــــاس
لذلك جفي آنـــــــــــــه لكل نذل مانمد
لذلك غيرتي ..........واجب فرض تنهاب
وواجب تحترمها ............. بحرمة المرقد
يالتاهمني اكولك ....... راح احكم الناس
لان خلف اتهامك .............. الوطن منقد
ولان مابيك غيره ...... وهم ضميرك مات
راح اعلن حداد ............ والبس الاسود
بقلم ............................................ سيف الحديثي
رد مع اقتباس
يسلموا الأيادى
