طاح أمن العرش .. مفتاح دين الله
صوت ..
أمن الفجر ينگال :
طاح
أشلون .?
طاح
أمن العرش ..
مفتاح دين الله أو سطع بـ هلال ،
منهو الگال ..?
وجه أمن الصراط
انلاح .. واتربع رسم تمثال.?
منهو الگال ..
بيت الله ب نعش ينشـال ،
هذا..
النثر دمه اعله الطفوف اجيال ،
تربة أو شابگت محراب
واتبده اعله ضيها و سال .
هذا ..
ال سرج مهره .
و لليتامه ايطيح
صم ضحكات ،
هذا امن البعد زلزال ،
هذا ..امن الـ قرب زلزال ،
هذا ..السرفن السمرات
ما ظلت اگباله ازلام ،
بقو للـ تالي موش ارجال
هذا ..ابن ال شمس ..و الماي ..
و النجمات ..
هذا الطاوي دين الجور
نازل للـ شمس شلال .
نبع غيره ويجمر بالخلگ صلصال ،
هذا ..
ال تحضن أبروحه الريح
يسرج كل ظهر و يسيح ،
لـ أيام الـ عطش چتال ،
فاض وناغته الفقره
أو تبده بچفـه
وجه ال خوف .
داس ..
أو لا ايهمه الخوف دوس الـ عال ،
عدل ما طاح ذاك الحيد .
گبل لا تنبني السبعة
و جدح كله اعله وجه الگاع .
حدر ظله ... النجم ينهال
طگ اعله ال نشف چم بير .
فرح مرشوش
من عمره .. الفرح ميال
يـ ليش اتموت.?
وانت ..
المأذنه
اعله الغار و البيبان
وانت
الكل وكت ... قرآن ،
بيك أمن اليتامه آيات
محفوظة وصعب تنگال
يـ بيرغ .. للـ (صدگ) خيال .
ذاك انت
اعله الرفيف اتعيش .. لـ الله اكتاب
لسه او كل حرف تبچيله كومة أجيال ،
يـ ليش اتموت ..?
هذاك انت ... ال عدل ما مات
مات السيف .. أخبرك
و الوگع چتال ..!!
محمد الدراجي
رد مع اقتباس
