المشاركة الأصلية كتبت بواسطة basher4
نصائح مهمة شكرا لكم اعزائي
نصائح مهمة شكرا لكم اعزائي
خل اسولف شوية عن تجربتي مع احدى الشركات
قبل كم يوم اخذت موبايل سوني من بيج وطلع يوصل خمسين ويطفى الشحن فراسلتهم وكالووو حاضرين اما تجينا لحي الجامعه او تدفعين توصيل ١٠ ويوصلج للبيت ..طبعا تكلمت مع الموظف اللي بالبيج وحقرتهم لانه يعلنون عن شي وسوولكياه توب بعكس اللي اشتريته وشنو ذنبي ادفع التوصيل وهو عاطل وكلامهم هذه تعليمات الادارة وكذا ..
راسلت مديرهم وكالي انتي شفتي الاعلان وشفتي المواصفات فكتله اني مامتفقه وياكم اشتري جهاز عاطل خو لو ادري بيه عاطل فلا اشتريه على اي اساس ادفع التوصيل ومن يطلع عاطل مرة لوخ هم ادفع توصيل مرة لوخ وهكذا ..!
المهم اعتذر الولد بعد ما اقتنع بكلامي ودزلي موبايل توب بس لو مثلا سواها وخلاني ادفع العشرة جان خسر زبونه وممكن هالزبونه تكتب ع العلن انه هالشركة الفلانية "قفاصه"
لذلك كتبت المصداقيه وزرع الثقة اولا ..
ليش اكو واحد يكدر ايقفص مديرتنا
تكدر تنزل بضاعتك عند السوبر ماركت وتسوي عرض بالمنتج مثلا كل ٥٠ قطعة ياخذ هدية قطعة زيادة وكذلك السعر تنزل اول شي اقل سعر جوه السوك ومن يصير عليه اقبال تصعده بمستوى المنافسين وياك ( طبعاً لازم المنتج ناجح والناس ترغبه )
اذا تريد على مستوى محافظات لازم تتعب بالبداية حتى تصيرلك سمعة بالسوك وتعرض المنتج بمحلات معروفة بالمحافظات ومن بعدها تدخل للاقضية بس اعتقد يحتاجلك اجازة صحية يله يحقلك تنزل بضاعتك لان بيها رقابة صحية هاي اذا شغلك مواد غذائية
طبعا الاجازة الصحية قبل الانتاج لان الرقابة تكون على صحة وسلامة الاجهزة المستخدمة وفحص خزانات المعجون مع ملائمتها لقواعد الصحه العالمية
تسلم للنصائح
بالتوفيق ان شاء الله
يحتاجلك تعب بالبداية المهمة صعبه صح بس مو مستحيله وصعوبتها تكمن بمنافسة الشركات المشهورة هسه مثل زير والتونسان لذلك يحتاجلك مندوبين شطار
احسنت .. تسلملي تعبتك
لا العفو تدللاحسنت .. تسلملي تعبتك
لدي تجربه صديق صغيره في هذا المجال ونجحت
كلفني احد الاصدقاء مدرس لغة انكليزيه... قدم للمجلس المحلي وصار نائب رئيس المجلس بعد فتره انلغت المجالس رجع مدرس
شفته كتله سبع صنايع والبخت ضايع كال لا محتاجك بشغله كتله خير وين تريد تقدم عضو برلمان گال لا اريدك تبحثلي اهم الزيوت لصناعة الصابون وفعلا بقيت اسبوعين ابحثله الي ان حوالي اكثر من عشرين او اكثر وقسم منها نشرتها هنا... ويلملم الادوات ويصنع صابون ويطلع الصابون مره لين ومره بريحة ومره بنفشه إلى ان اكتملت الخبرة... اول سر نجاحه وزعنا ابو صابونتين وابو ثلاثة وبلش يطلب من عندنا ان ننشر علي صفحته جودة الصابون وفعلا انتشر خبر الصابون وكل شهر ناخذ علبه بيها كيلو لأن رتب منتوجه وبالبيت كل شغله وهسه علامه تجاريه جدا مرغوبه بالمنطقة لان صابون صحي غير تاجري يعتمد علي الزيوت الطبيعيه وكلما تخلص الزيوت بالنقليات يجيبوله الزيت المطلوب... شفتها تجربه ناجحة ان تبدا من البيت.
احسنت لمشاركتنا تجربتك .. شكرا استاذ بشير
يغلق الموضوع بعد الاستيفاء من الجواب
شكرا للمشاركين
