اريد انسان يقنعني .اسود حلمك الوردي
ماضاحك صدك فديوم .. خلصت العمر جدي
واذا اضحك جذب معذور ..حيطان الگلب تنور
اشب واطفه من وحدي
جان فراكك مبين .. واعرفك تنكلب ضدي
.. مثل اول نفس بالماي .. بزفيرك موتك اليبدي
اريدك بس ترد لحظات.. ولقاء وياك مو ودي
ردني لأول العشرين .. لمن تشرد من اهلك .. وتركض تختل بسدي
ردني لأول المشوار .. من ازعل واعوفك نار .. وگلبك ينعصر بالشوك .. واردلك ردة الجندي
شفتك نار بالظلمه .. وحطب صارتلك ايديه
ولمن صعد دخانك .. خسرتك وخسرت يدي
عجيب الصار ويايه رغم حبيت وانحبيت
وسوابق كلبي الهوايه
ما شايف حلم سنتين ... كلما انام احس تبدي
غربه وسافرت وحدي .. لدرب متروس بس بيبان .. بس حسيت .. كلها لدربك تودي
وردت ظلمه بعيوني .. صحيت وكاسي متبدي
اريد انسان يقنعني ... اسود حلمك الوردي
احن لأول ايامك .. لسؤالك.. ضحكتك .. دمك
من جان الحبر لعبه .. وتكتب اسمك بزندي
ردني وخل ارد لاهلي ..گبل لا اضيع من روحي قبل لتبوسني بخدي
م
رد مع اقتباس
