هنا

[رامي الاصيل]

اليوم ربعنه ( الذيول) مضغوطين حيل من رفع العلم الملون للمثليين
والتحول الجنسي بباحة مقر بعثة الأمم المتحدة في العراق..
لويش هالضجه و الانزعاج.! مو على أساس بلدنا ديمقراطي..!
مو على أساس الدستور العراقي يكفل كافة الحريات المجتمعية
و العقائدية والسياسية..! مو من أهم مطالب المتظاهرين( الجوكريه)
فصل الدين عن السياسة و أبعاد المزاج الديني عن حرية المجتمع.!
لويش نجبر المثليين السفر خارج البلد وطلب اللجوء من الدول
الأوربية بحجة انتهاك الحريات المدنية.. خووب خليه يمارس ما يمارس
داخل البلد بدون خلق ضجة دوليه بأعتبار العراق دولة تحتكر
حرية الفرد..! لا إسلامية تريدون ولا أباحية تريدون لعد شنو رايدين.. ؟

[فقار الكرخي]

نريد وطن


اشوف ما الها داعي هاي الضجة
الأنسان المربي اطفالة تربية صحيحه
وماتارس بطونهم بالحرام
شكو خايف ؟


اضربلك مثال
اعز اصدقائي والي دائما امشي وياهم
يشربون بلنكو
يكعدون يتزقنبون واني كاعد يمهم اتفرج
ما فديوم فكرت اشرب وياهم

[المستشار القانوني]

مع كل الاسف
حكومة منبطحة

[Suzana]

يعني قصدك المتظاهرين من طلعوا ديريدون حقوق المثليين مو؟
زين انت اتشوف عراقي بين هذوله اللي رفعوا العلم ؟جا غير سفاراتهم وبما انه يوم عالمي خليهم يرفعون العلم وهمه ديمثلون مصالح مواطنيهم بدولتك لو هم لازم نتعارك ونذبها براس الجوكرية لو الاحزاب الاسلامية

[نائيةٌ .. جدًا !]

..

(( كثرةُ المساس تُذهِب الإحساس ))

هذا التطبيع القسري على كل ما هو
مناقض للفطرة السليمة والقيم الرفيعة
سيُنتج جيلًا لا يُنكر منكرًا
ولا يأمر بالمعروف بدعوى
الحريات الشخصية والديمقراطية
والعوض على الله !

..

[رامي الاصيل]

نريد وطن


اشوف ما الها داعي هاي الضجة
الأنسان المربي اطفالة تربية صحيحه
وماتارس بطونهم بالحرام
شكو خايف ؟


اضربلك مثال
اعز اصدقائي والي دائما امشي وياهم
يشربون بلنكو
يكعدون يتزقنبون واني كاعد يمهم اتفرج
ما فديوم فكرت اشرب وياهم

تمام.. كل واحد مسؤول عن نفسه و عن تصرفاته و هاذي
أيقونة ( أحترام مشاعر المجتمع) لا راح يتقدم بيه المجتمع ولا راح يتطور..
عندك مثلاً احد السياسيين من جماعة الاحزاب الدينية يكول
خيم المتظاهرين أصبحت قرية لوط..! وانت شعليك بيهم..
مو احسن ما يخربون البلد بالفساد المالي والإداري.. خليهم بالفساد
الاخلاقي وهاذ ما راح يأثر على خزينة الدولة و لا راح ينهب أموال الفقراء..
و ألي متأثر ويرفض ظاهرة المثليين والشذوذ احب اكوله
تره قوم لوط مو كلهم انهلكو بقرية أسدوم.. بس ألي يمارس و مارس الفاحشه
وكثير من الروايات تؤكد خروج عشرات من المؤمنين الطاهرين مع النبي و بناته.. انت صون بيتك وابناءك وما عليك بغيرك

موسى بدينه و عيسى بدينه
شكراً فقار

[رامي الاصيل]

مع كل الاسف
حكومة منبطحة

لويش منبطحه..! لويش ما نكول حكومة تراعي و تحترم و تكفل حرية الفرد..!

[Aabdullah]

يعني هاي الدول العربية والاسلامية العميلة والمنبطحة للدول الديمقراطية والي شعوبهم مرفهة بخيرات الله كولها ويصولون ويجولون كما يحلو لهم كلهم رفعوا علم المثلية؟؟!! لو بعدهم ينادون بالقيم والشرائع السماوية
وبعدهم يعدمون بالسيف وبعدهم وبعدهم
اشو محد يكول حكومات ديكتاتورية ومو ديمقراطية
لو بس بالعراق لازم نرفع شعار
اللوطية الخطوة الأساس نحو الديمقراطية

في تقرير عن المثلية في روسيا انهم رحلوهم خارج البلاد وسهلوا لهم النقل والإقامة وغيرها من الأمور التي تضمن عدم عودة المثليين الى روسيا او ممارسة اي نشاط من هذا النوع داخل روسيا .. والأمثلة كثيرة.

ليس بالضرورة أن نضع قيمنا واعرافنا تحت أقدامنا لنحلق بركب الإنسانية وننضم الى قافلة الديمقراطية.

شكرا رامي

[رامي الاصيل]

يعني قصدك المتظاهرين من طلعوا ديريدون حقوق المثليين مو؟
زين انت اتشوف عراقي بين هذوله اللي رفعوا العلم ؟جا غير سفاراتهم وبما انه يوم عالمي خليهم يرفعون العلم وهمه ديمثلون مصالح مواطنيهم بدولتك لو هم لازم نتعارك ونذبها براس الجوكرية لو الاحزاب الاسلامية

نعم سوزان.. المتظاهرين طلعو ضد الاحزاب الدينية و توجهاتهم و بأدق
عبارة ضد العمامة.. ضد التعسف الديني.. ضد الممارسات السياسية
المملوحة بشرائع الدين.. ما نكول المتظاهرين يطالبون بالرذيلة
بس اغلب توجهات الشارع بفصل الدين عن السياسة بمعنى حكومة
لا تقيد حرية الفرد وفق الضوابط الاسلامية.. زين لويش يرفعون العلم
بهاذ الوقت.. منو طلب منهم.. شنو القصد.. نحتاج تحليل حتى نفهم.. شاركينا التحليل

[رامي الاصيل]

..

(( كثرةُ المساس تُذهِب الإحساس ))

هذا التطبيع القسري على كل ما هو
مناقض للفطرة السليمة والقيم الرفيعة
سيُنتج جيلًا لا يُنكر منكرًا
ولا يأمر بالمعروف بدعوى
الحريات الشخصية والديمقراطية
والعوض على الله !

..

العولمة توغلت بالمجتمع حد النخاع.. و بشاهد الجرائم المتنوعة
الممارسة من هذا الجيل المتورط بأسم الحرية التصرفية بتصرف..
السؤال.. كيفية المحافظة على القيم الإسلامية الموروثة و المنقولة
بظل موجة الأرتداد و نبذ الدين علنا في الإعلام و الشارع !
هناك من يدفع دوليا واقليميا و محليا و هناك من يدافع وحيدا فمن سينتصر.؟