جنت احبكم
جنت احبكم
من جنت جاهل اجيكم ساد عيني دربي وحده يذبني يمكم
وانه هسه جبير ومضيع دربكم
جنت احبكم
جنت من اشتاك الكم
افتح عنان القصيده وبيها اجيكم
وهاي اخر مره اجيكم
من شفت ملكاكم يخجل النده
رجعت الفراشه من غبشه صبحكم
جنت احبكم
وانه من جيت وشفتكم كلتو عني ياهو هذا
انه ذاك الخلص اعله الماضي عمره
انه ذاك المن زرعكم ماحصد مره بثمركم
انه ذاك المن بردتو لفلف ايدينه ابمتنكم
جنت احبكم
ومن مشيتو اسئلت عنكم كله نكرت
المسافات وسججنه كله كالت ما عبرتو منين رحتو
الشمس غيرت طبعها براسي سهرت
والكمر نام المغارب شفته غافي
والبلابل كره الحريه رادت تبقه بقفاص السجن
كله صارت من مشيتو ابلايه مايخلص وكتكم
جنت احبكم
شحجي عنكم
ياشواطي الدنيا كله وانه عطشان اعله ميكم
شكد كتبت انه قصايد
ماكدرت اوصف ربع كطره ابحركم
جنت احبكم
مرتضى ثامر
رد مع اقتباس
