مدري ليش
مدري ليش
السالفه المابيه ذكرك حتى معنى حروفها يدور عليك
ومدري ليش
لمن الصفنه تطول تمرني بيها وتنترس صفناتي ملكه
وبيها اشوفك
وانت ضدي
وناسي ضدي
وانه افرح لو شفت بلبل يتيم ما احس بروحي وحدي
وشكد احبه
الجاب من عندك خبر من اهلي احسبه
حتى هذا الطارش الجاي بفركتك انه احبه
وانه هذا الهسه باقي اجمع وشاله صورك بيها اسافر
بوكت جانت ناطره جفوني بدمعها اتاني جن طيفك يفوت
هلبت الله الكاك شايل
ذكرى من ليله قديمه
ليله بيها مسامر وضحكه طويله
ليله بيها اليل ما جاسه الصبح
ومدري ياصدفه التجيبك وارجع ابواهس شبابي
مرني حتى احلامي خلصت وين اشوفك
مرني مو مروني كلهم
اتكاثرو يمي وشفتهم
اتكاثرو ليلي وصفنتي ويمها شوكي وانه وحدي
مرني مو مرني خريفك
وكع اغصان العليه ومابقن بس ذكرياتك
ومرني طيفك فزز بروحي المحنه وخضر براسي قصيده
ودوريتك وركه بغصان الربيع ومالكيتك حتى نسمه
المصيبه جنت ادورك يم اوادم تكره الناس الغريبه
وما رضو يحجولي عنك
ياطيور الحضره جنك ما تطير ما اريدك جنح كامل
حتى لو ريشك يجيني بصدري اسجنه
م
رد مع اقتباس
