ما اريد اعلن وداعك حتى ماحسبك متت
ما اريد اعلن وداعك حتى ماحسبك متت
وما اريد اسمع اغاني حتى لا يجلمني بعدك
وانه خايف
خاف لا تذبل شجرتي وما يجيني الماي منك
خاف اموت وابقى احبك
وخاف شيطان المعاتب يطلع يفزز صفنتي
واحرك اصورك واتييه ابلايه وجهك
كافي بس اكتب قصايد واكعد ارسم بيها جيتك
الليله نعسان واريدك
الليله تعبني السهر
وجي بقت كدام عيني نامت الغبشه الصور
وانت وينك
كل مكان اعبرنه سده الكيته باهت نفس لون الذكريات
ياعذابي الهسه بحضاني الرسايل بايتات
كل مواعيدك جزنك وانه اجددهن بيمتى
باقي بس ازكي انتظارك وانه اعرف مايخضر
ليش كل مغرب يمر الكاني يمك وابدي اسولفلك عليه
اني نفسي هوه بس شكلي التغير
نفسي باقي ذاك الاسرسح عليك ابلايه بال
الكه روحي ابدربك امشي
ولو لكيتك شرد اكلك انت جن دمعه اعله رمشي
وليش من اغفه واشوفك حيل اغمض وابدي احلم
ماكلتلي الليل رمشه لمن اني وياك نلتم
دزلي مرسالك حمامه عشوشي بردت وانه انطرك
وليل شتوه وصوت ريح
وتكتل الغربه هدوء شما تصيح
الغربه من روحك تودعك
الغربه من اتاني ضويه اتفزز النور العتمتك
وليل يدنه اعله ليل وانه انطرك
منقول
رد مع اقتباس
