شما يحلى الذكر ينجاب بي طاريك
ابوي و بالمجالس هيبته منوره
يشم جمر الدلال الموت لمن جاك
كرمت انت المنيه جفوفك السمره
يبو ريح التعطر ضيفك امن بعيد
يبو ملكه اليجوي امن الهلا الجمره
مروره الدنيا صارت هيلها ابملكاك
طيبها المكابر تشهد الحفره
صار سنين حتى بحلمي ما مريت
وبعد روحي اعله موتك ماخذت شمره
خضار بروحك الكه وجن ورد تشرين
يتمت الربيع و خنكته العبره
بيه شكد كلو كاشف ضهر بجفاك
فاس افعالهم واني اصبحت شجره
جمره بنص جهنم ريتي تجدح نار
وحك شيبك شهكتي اعدال الف حسره
المطر دمعات احسه اختلف كلشي وياي
السمه بلون الزراك بعيني جن حمره
وكت موتك اجه استعجل عليك الميل
جنت شابع مطر هسه اشبع بكطره
جنح بي خير رايد اعله فوك الناس
الصار بحجم ناسه الناس تحتقره
ذكرتك واختفت شمس الله من الشوف
زحمه الشمس يمك تاخذ النضره
الجبل ينقاس عادي نقيسه نتعب بي
بعيني شلون اقيسه الوالد اشكبره







م