إلى من كان في عمري و لكن صار في ذكري ...:
تعال ارجع عليك گلیبي بالآه
يگلّ الجسمي بس إعذر غيابي...
يابعد الماي البعيني الوجع زاد
فقدتك و افقدت عقلي و صوابي
تعال ارجع فراگک گام ينشاف
علی عيوني صبر خضّر عذابي!
حليب الرضّعتني ابعيني شافوه
یحطّمني الهجر ،ینفش ترابي..!
يسئلوني عليك اللي يكرهون
واحير ابياعذر ابدي ابجوابي ؟!؟
واگلهم اي يرد موقصدة الفراگ
مشى ايدوّرلة حنّة إيحنّي بابي ...!
تخلّص عمرك ابصف غيري يفلان ؟؟
و انا اللي بغيبتك خلّص شبابي...!
ترة جرحك وفة أهواية اكثر اوياي
ینازف ذکرک ایبرّد مصابي!
تعال ارجع بعد، مو شعر الفراگ،
یدورونه الشباب ابنص کتابي..!
رحت انت و خُرب کلشي برحيلك
خرابة أصفيت يالصوچک خرابي...
تعال ارجع و رجّع گلبي و الروح(رجّع گلبي و روح)
خيّر صير و بس صفّي حسابي..!
طلَعْت انت و وراك الروح طلعت
و ماردّت لهسّة و آنة أعابي...
يَا وسفة الروح هم متدوهنة عليك
و أثاري امطلّگة جسمي غيابي ...
✍.الشاعر أبوعلي النجفي
رد مع اقتباس