ضمني عندك ..
ضمني يمك ..
ما أريد أرجع مثل ما جيتلك
إسمي خادم ،، إسمي أحبك
وأحچي بيك وكلشي ما أدّيتلك
ما أريد أرجع ذنب
أعرف ابچي لچن ما أعرف أحب
ضمني يمك..
طير وايحوم اعله گبتك
علگ مشدود ابقفل بيبان بختك
ضمني يمك
ابساط يسحگني اليزورك
ادموع بعيون اليطوفك
اتراب بين الحرمين إنثرني لوحنيتلك
ضمني يمك
خاف أرجع مثل الاوّل
تبرد اجروحي وشهامة روحي تذبل
وماي گصتي ايطيح خوف .. ومو حياء
إشبيه من أسمع إبـ إسمك أبقى اتنفّس جفاء
إهواي أكرر ييك واحچي
واگعد اتصوّر الصاير بيك بالطف حتى ابچي
إشكثر للدمعه فضيلة ..
لمّن إتطيح ابوكتها .. مو قضاء
إشبيه ما ابچي عليك
ابدون مايطري اعله بالي رمح لوحافر فرس
إشبيّه ما ابچي لمعزتك لنك إبن الزهره بس
وهيه بالامرين تقبل بيه لو ونيتلك
إشبيّه ما أقرى اعله جرحك وآنه مهتم
وإلا اشوفن نار يلا أتذكر الكم خيم محترگه
وتظل ادموعي تلتم
وحق حلمك يابو الأكبر ..
ماكو من تقصيري أكثر
وعلى كد معرفتي أحبك
وفطرتي إتجرني إلك من إيدي وإنجر
وعلى كد مابيه شوگ لگبتك إشتاگيتلك
ضمني عندك ،،
جاي يمك
وابوجاهة إسم أمك فاطمه الزهره البتول
وجاي من باب ابوفاضل
وغير بس جلمة دخيلك ما أگول
وشكو دمعه ابحب علي مشّيتلك
أخذ روحي
هسه مادام آنه طاهر وآنه يمك
من لبست إحرام شوگ وبالدمع حجّيتلك
ما أگول اليدّعي حبك يكون إيصير عابس
يكفي بس إيغمس إجروحه بملح زاد المجالس
ويوگف ابعينه ألم فجر اهدعش
هيج وايغزّر ابوجدانه العطش
اشما سمع واعية حزنك يوم عاشر
صاح لبيك أبو اليمه
وهذا آنه امحزّم اتعنيتلك
ما أريد أرجع مثل ما جيتلك
وبقت بكيفك مولاي....
المبدع أحمد الهلباوي
رد مع اقتباس
