جنت من العصر انطر الليل بخوف
جنت من العصر انطر الليل بخوف
واجهز كل حجي الدافي لحضرته
وأضل ملهوب لهفة طفل للعيد
افرفح وانسى كل تعبي بضحكته
اكحل اعيوني بيه وترتوي الروح
واسكت واستمع تغريد سالفته
لفاني بضيج عاجر تخزر بكاروك
مثل الفشلوه اكبال صاحبته
ماريدك يگلي ونفترگ ياريت
وانسى الحب هذاك ولاتظن شفته
كتله اوگف تريض يافرح دنياي
شنهو البدر مني وهالعشگ عفته
بلايا اسباب راح وحمل المحبوب
بركان بدليلي وبدمع ضگته
سكران بصورك والرسايل ذيج
واقرب للضحك والدمعه تبعدني
وماتدري العرس والگبر نفس الثوب
بس الفرق بين اليبجي ويغني
شاريك بعمر وتبيعني بيومين
وثوب اسود عليك الوكت لبسني
عبد المجيد النعيمي
رد مع اقتباس
