عرفتك واشتعل دمي خبز فقرة
عرفتك واشتعل دمي خبز فقرة
عرفتك وانصبغ دمي حلم فقرة
عرفتك من تهت بالناس
من جان العطش بالكاع ينهش خبزة الفقرة
چنت منبر
جنت عاصف
جنت انت
وعلى جتافك عبر كل حلم للثوار
وعلى حروفك نسينا الخوف خبزة نار
وعليك انت
درينا الموت خطوة لأول المشوار
وتعلمنا.. وبقيت تعلّم دروسك
من أول فجر حد كمرة الثوار
نكلك يا نبي الثوار
ما ضاع التعب بينا
وجع روحك شمس بينا
لمض حزنك كمر بينا
ضماك وخنصرك والراس
تظل هيبة نصر بينا
واكلك يا نبي الثوار
لو غاب الكمر ليلة
أديرن وجهي لعيونك
ألم روحي لضوه حروفك
وأشرب من عبيرك نور
وأتوضى بندى طيوفك
وأكلك من تجي المحنة
احنا بيك آمننا
احنا بيك آمننا
م
رد مع اقتباس
