اذا شفت النهر يجري حدر رجلك
الك نازل ابد مو طبعه يتكبر
تره الماي التشوفه بالسمه مچانه
نزل حته يطهرك يل صعب تطهر
ترك ظهر المزن وترجل لأجلك
اجاك بكل ترافه ولن حيه المصفر
احب طبعه طبع بارد روه اليضمه
واذا نارك تمسه يفور بس مضطر
احذرك لا تمس البارد الحامي
حكيم الگوم اذا يغضب اسد يزئر
واحب طبعه سفن يحمل على متنه
ولكن عن حمل سچينه يتعذر
على جروفه ترك كل شينه ما تصلح
وسط گلبه تشوفه ساطع الجوهر
عطاء الاب حنان الام شفت طبعه
وبعد بي چم طبع ياحبذا يذكر
بلا منّه روه المايسوه واليسوه
شفت طبع الشجر يفخر اذا اثمر
يصدر بالثمر واسعاره ما تنزل
واذا نرجع نشوف الماي بالمصدر
رد مع اقتباس