شنهي اليوجعك سولف ي ابو حسين
جرح راسك اليوجع لو الصحبـة

بصلاتك تنغدر واليوجعك حيل
جرحك من گريبك موش غربـة

استحى يگابل الموت واجه من مگفاك
گالوا گابله گاللهم اشصعبـة

اگابل قالع البيبان تردون
ابو السيف اليحده رگبة رگبـة

ابو احروب الاعدها اتخلص اصابيع
ابو امچان الچبير هناك يم ربـة

و صحى حيدر وقرر يحچي بالياذي
گال الجرح هان ابهونة الصحبـة

خاويت ابن ملجم وابني محسوب
تالي يجازي راسي الشاله ضربـة

كلشي يهون بس ابزينب اشلون
اول ما بدا بيها الحزن دربـة

وهسه اتشوفني وتتذكر الشام
تتذكر سبي وحسين والجربـة

الله يساعدچ ماجورة ي اخت حسين
ع الباب وطبر و حسين والشام ع خيول وطبل وايام صعبـة

لا تبچين انه ادري الغدر عـادة
الله يحبنه يكرمنه الشهــادة

الطيب ينغدر بالدنيا هايـه
اوصيچ اعله اخوتچ والعبايـه
زورني يبويه من تمرون اميرات ويسموكم سبايـه











لـ اعــراف آل تميم