ابراج_اليومية_الجمعة_15_مايو _2020
بـــــــــــ الحمل ـــــــــــرج♈
عزيزي برج الحمل عندك طاقات كبيرة عم تكون محور ضمن الوسط المحيط فيك وبعض الأشخاص عم تاخد بنصيحتك ومشورتك وعم تكون مستمع جيد والناس عم تتقرب منك. عم تكون معطاء بتعطي دون انتظار مقابل هالشي بزيد من محبة الناس إلك . رغم وجود بعض الكدر والحزن داخلك لكن بنصحك تتأقلم مع الأجواء من حولك لأنك رح تشهد فترة من الإنتعاش بتساعدك بإتخاذ قرارات مهمة, بالإضافة لوجود قضايا قانونية أو توقيع أوراق أو كلام أو مواعيد. وضعك الصحي عم يكون أفضل هالشي عم يزيد من طاقتك وثقتك بنفسك وعم تقوم ببعض الإصلاحات المنزلية أو الكهربائية.
عاطفيــا”… أنت من الاشخاص الي مو من السهل إرضاؤك لكن بنصحك تكون مرن بتعاملك مع الشريك لتعيش بجو من الإستقرار العاطفي
طاقـــة بـرج الـحمل { 75 }
بـــــــــــ الثور ـــــــــــرج♉
عزيزي برج الثور عم تتحمل أعباء كبيرة على مختلف الأصعدة العاطفية والمالية وعم تبحث عن الاستقرار, الإنتظار لايجدي نفعا عليك بالبدأ بالعمل حتى تخلص مهامك وتكسر خطوط حمراء وتتجاوز العراقيل وتنجز تقدم ملحوظ, أنت بحاجة أحيانا لتكون ناري لتقدر تحقق إنجازات مهنية مهمة, اليوم عم يكون عندك فرصة لمصالحات أو حلول لبعض المشاكل عم تحصل على الدعم ربما المادي أوالمعنوي من الأخوة, السفر عم يكون عندك فيه تأخير أو تأجيل.
عاطفيــا”… عندك عتب ولوم على الشريك عم تشعر بعدم الإهتمام أو تقدير لتعبك بنصحك ماتنتظر شيء وازرع الابتسامة على وجهك واخلق أجواء إيجابية وكون مبادر اتجاه الشريك
طاقـــة بـرج الثور { 70 }
بـــــــــــ الجوزاء ـــــــــــرج♊
عزيزي برج الجوزاء عندك حالة من الاستفزاز ربما من الاشخاص المحيطين فيك متل صديق أو شريك عم يفهموك بطريقة خاطئة بنصحك تراجع حالك وتصلح أخطاءك عيد ترتيب أولوياتك وكن حذرا من اتخاذ قرار انفصال أو زعل وحاول تأجل اتخاذ القرار هالشي رح يكون افضل إلك لتجنب المشاكل. عندك أفكار ومشاريع وأعمال عم تكون ببداية الطريق وعلاقات اجتماعية جديدة, انت بحاجة هالفترة لتوطيد علاقتك مع الاشخاص الي بتعتبرون سند إلك, ممكن يكون عندك سفرة قريبة
عاطفيــا”… عندك خبر عاطفي مفرح ولقاءات وممكن تحصل على هدايا ويوم مناسب لحل اي خلاف او سوء تفاهم مع الشريك
طاقـــة بـرج الـجوزاء { 69 }
بـــــــــــ السرطان ـــــــــــرج♋
عم تعيش بحالة من الإنتظار عندك أشياء وأمور حلوة بحياتك بنصحك لا كتير تحكي عنها وتعيد الحديث بالمواضيع حافظ على الكتمان والسرية وكن مستمع جيد واكثر انصات للمحيطين, الوضع العائلي مستقر لكن عم تبحث عن الاستقرار بوضعك المالي ضيعت فرص كتير من حولك بنصحك تزيد من تركيزك وتحاول تستغل اي فرصة وابدأ بالعمل وركز على إحداث اشياء جديدة واسعى لتطور من مستوى العمل لتزيد من مدخولك, السفر عم يكون متأخر لاتنتظر شي من خارج دائرتك, انتبه من ردات فعلك حتى ماتخسر حدا غالي عليك.
عاطفيــا”… علاقتك مع الشريك جيدة عم يكون في انسجام بالعلاقة لايخلو الأمر من بعض المشاحنات أو غيرة أو عتب لكن سرعان ماينتهي وتعود المياه لمجاريها
طاقـــة بـرج السرطان { 73 }
بـــــــــــ الاسد ـــــــــــرج♌
عزيزي برج الأسد أنت شخص متغير ديناميكي مابتوقف حياتك عند حد معين ومابتربط حياتك بشخص هالشي عم يكون سر نجاحك وتفوقك ووصولك لأهدافك. مصاريفك كتيرة ومال خارج من ايدك رح يكون عندك اليوم إعادة لحسابات مالية وعم تحط خطط لجلب المال ولإدارته بشكل أفضل وجيد , اليوم عم تتمتع بطاقة جذب استغلها بالعمل والمال والسفر, عم تفكر بأمور مستقبلية وعم تطرح أفكار إيجابية. اذا كنت عم تشعر بشيء من الكدر والحزن بنصحك أنو ماتبقى بالمكان الي انت فيه وحاول تخلق تغييرات جديدة
عاطفيــا”… وضعك العاطفي جيد طاقتك عم تجذب الشريك نحوك وعم تشعر بالرضا على علاقتك معه
طاقـــة بـرج الأسد { 80 }
بـــــــــــ العذراء ـــــــــــرج♍
عزيزي برج العذراء أنت شخص مابتعرف الهزيمة ممكن مابتقدم أعتذار ومابتعترف بخطئك لكنك بطريقة ذكية بتقدر ترجع للبداية بدون ماتقدم خسائر لنفسك, انت قيادي واليوم عم يكون عندك اجتماعات ولقاءات مع اشخاص بتكون الك سلطة عليون , عم تحدد أهدافك وتمشي بخطوات ثابتة , عندك شوية تعب ونكد وملاحظات على بعض الأمور لاتقدم كل أوراقك واحتفظ بشي لحالك , عم تسعى لإحداث بعض التغييرات بحياتك المهنية لتحسن من مدخولك المادي
عاطفيــا”… عم تحن لايام الماضي وتستعيد الذكريات مع الشريك وممكن دخول بعلاقة جديدة للعازبين.
طاقـــة بـرج الـعذراء { 78 }
بـــــــــــ الميزان ـــــــــــرج♎
الحظوظ عم تكون مواتية الك عليك باقتناص الفرص والتغيير وخلق روح المبادرة, طالع قدراتك وامكانياتك وفجر طاقتك الداخلية وعبر عن حالك ورغباتك واثبت وجودك ومكانتك, الظروف مناسبة لتزيد من أرباحك ومكاسبك المالية, لاتجعل الأجواء المتوترة تأثر عليك وعلى نفسيتك اقبل الانتقادات البناءة لتطور أفكارك وتزيد البحث بمواضيع مختلفة عندك القدرة لتعبر عما بداخلك والمواجهة واثبات صحة آراءك
عاطفيــا”… عندك قرارات عاطفية جريئة عم تنظر لحياتك المستقبلية مع الشريك وعم تسعى نحو الاستقرار
طاقـــة بـرج الـميزان { 82 }
بـــــــــــ العقرب ـــــــــــرج♏
عزيزي برج العقرب عليك أن تكون مندمج مع الوسط المحيط بك و أن تقبل التغييرات , غير زوايا حياتك لتصل الى أهدافك ولاتنتظر الوعود لأنها بتسرق طاقتك ووقتك , ابذل جهد أكبر بعملك وتعاون مع الزملاء واستشر أهل الخبرة لمعالجة الأمور ولو قدمت بعض التنازلات, الفرص عم تكون قدامك بس ماعم تعرف تستغلها بالشكل الصحيح
عاطفيــا”… الأجواء متوترة بعض الشيء مع الشريك بنصحك تتجنب الجدال حتى ماتزيد المشاكل مع الشريك وخليك هادي ورايق
طاقـــة بـرج الـعقرب { 68 }
بــــــــــ القوس ـــــــــــرج♐
عزيزي برج القوس حاليا عم تكون بحالة جمود وتقلبات, همتك ونشاطك ماعم تكون متل قبل , لاتسمح لحدا يتدخل بحياتك ويأثر عليك ابتعد عن المحيطين وعيد النظر بحياتك وغير مجرى حياتك واخلق بعض التغييرات وحاول تقوم ببعض النشاطات او الهوايات لتجدد طاقتك وحيويتك وصلح أخطاءك وحاول تزيد من ساعات العمل. ماليا نفقات ومصاريف وانتظار للحصول على مال يفك ديقتك.
عاطفيــا”… كن حذر بتعاملك مع الشريك وانتبه لكلامك معه وتعامل معه بدبلوماسية لتحسن علاقتك معه
طاقـــة بـرج الـقوس { 74 }
بـــــــــــ الجدي ـــــــــــرج♑
عزيزي برج الجدي عم تكون متفاءل وطاقة الجذب عندك عالية لكن تحركاتك بطيئة شوي بنصحك تنظم وقتك وتحط جدول لأعمالك لتقدر تنهي أعمالك بالأوقات المناسبة, عم تسعى لتغير مسار حياتك نحو الأفضل, عم تتابع بعض الأمور أو مساءل قانونية مؤجلة وبعض الامور المنزلية, عندك ضيق مادي نوعا ما رغم حصولك على مبالغ مالية بشق الأنفس لكن المسؤوليات والالتزامات كبيرة لاتقلق رح تحصل على دعم مالي من احد المقربين منك
عاطفيــا”… استغل طاقة الحب عندك اليوم لحل اي خلاف مع الشريك والتقرب منه
طاقـــة بـرج الجدي {80 }
بـــــــــــ الدلو ـــــــــــرج♒
عزيزي برج الدلو حظوظك ممتازة ورح تشهد فترة من الانتعاش والحلول رح تقدر تتجاوز اي مشكلة بتواجهك , عم تخف عصبيتك وعم تكون مرن بالتعامل, من بعد الضهر رح يكون عندك فرص جيدة استغلها وضاعف جهودك وطالع ابداعاتك واستغل امكانياتك بالعمل لتحسن من مدخولك المادي وممكن تحصل على مبلغ من المال نتيجة تعب قديم, رح تنشط على الصعيد الاجتماعي وتزيد من تواصلك الالكتروني مع الاصدقاء والاحباب
عاطفيــا”… الشريك عم يوقف لجانبك ويدعمك اكسبه لصفك وتعامل معه بمحبة ولطف
طاقـــة بـرج الدلو { 85 }
بـــــــــــ الحوت ـــــــــــرج ♓
عزيزي برج الحوت رح يكون عندك الجرأة والقوة باتخاذ قرارات مصيرية بحياتك او التحول بنقاط مفصلية, عندك مضوع حساس شاغل بالك ومشاكل محيطة لأشخاص مقربين بنصحك ماتدخل حالك بمشاكل مالك دخل فيها وابتعد عن الاجواء السلبية, عندك حركة بيع او شراء او انتقال لمكان جديد وممكن يوصل لايدك مبلغ من المال غير متوقع بيجي بوقته المناسب
عاطفيــا”… بنصحك تكون حذر من ردات فعلك مع الشريك وحاول توصل لحل مشترك بأي قضية معه, للعازبين عم تاخد قرار مصيري بالدخول بعلاقة جديدة او انفصال
طاقـــة بـرج الـحوت { 72 }
رد مع اقتباس
