عال بيه المغربيه
و چان فانوس الخرایب شایب ایجالع نفس
ظالم الليل بسكوته و یرفس بطنه رفس
وانا حرمه ابلا کفیل
و سگفی طین و فاتح اجروحه المطر
وین ماباوعلی ارضه الحاطه ابطوفتنه طر
ومن شلت چفی اوگعن منها جهال
چلبو بذیالی جوع
وانا بس الله کریم اچفوفی بیهن
وعینهم بیها ارتجاء
مدری لیش و شنو ذنبی
انا أصوم انا اصلي
وما بعت کحله اعله شارع
لا كفرت بدين فزاعة مزارع
ولا زلف لوّنته قزاح المطر
ولا حجل فززله بار
علمت طول العبایه یمشی وی طولی اخو
انا من امشی الشوارع تحچی ابظهری کفو
شنهو ذنبی
شنهو ذنبي
بس اگلک؟؟؟؟؟؟
حیل اچذب!!!!!!
کل مسیة اغروب جدري یطبخ الماقاسمه الله
و چنت اگول اللیله نتعشی قموس
کلها تفرح
کلها تضحک
حتی حیطان الخرایب تضحک اتطیح غبار
صبخه عين الانتظار
المايمر بيها القطار

چنت اچذب
حيل اچذب
و ثگلن اعیون الزغار

کاااآاان یا ماکان نامت
کلها نامت
اطفالي نامت
الطوفه نامت
و ضل جدرنه الیطبخ الماقاسمه الله
ونامت اعيون الغني وماکام صله

الجوع کافر
العوز کافر
عال بیه المغربیه
وانه حرمه ابلا ولي
امنين اجيب اشوي علي
ديره مابيها علي
عال بیه و ناس مابیهم #علي








زهرا جبار الاهوازية