هنا

[Daleen]

بالله انت مو فايخ ... طكها براسك اذا سالت على وجهك يعني مو مسلوكة
واذا لا اكلها فارغة
وهاي البضية صارت صخر اذا صدك مسلوكة وانت بعدك تاخذ الاراء

واكو طريقة تنهي المشكله اخذ خيرة عد سيد

[Samer]

عندما ندور البيضتين معا البيضة المسلوقة تستمر بالدوران لانها اصبحت كجسم جاسىء واصبحت تمتلك زخم زاوى وعزم القصور الذاتى لها اقل مما لو كانت نيئه لذا سوف تستمر بالدوران اما البيضه النيئه فيكون عزم القصور لها كبير فلا تستمر بالدوران

طبعا انتي صدك هاوس زمانج .. بس اريد اعرف عود ليش من تنسلك يجيها زخم زاوي وعزم و كبرياء و هل سوالف ها .. هسة فوك ما سلكناها .. عموما اذا تكليلي مجربتها .. اثق بكلامج .. بس اذا بس حجي النظري .. لا عيني .. لا خالي .. تر مالين من السوالف النظرية وماكو قبض عااا

خليها بكلاص بيه ماي مالح فأذا طافت هيه ما مسلوكه واذا غطست هيه مسلوكه لان الكثافه النوعيه مالتهه راح اتزيد بعد السلك . اوبعدين كشرهه وخليلهه شويه ملح ابصمونه حاره والف الف عافيه.

يعني اروح اجيب كلاص و اخللي بيه ملح و اظل اغطسهن وحدة ورة اللاخ ؟ عمي هاي رطينة .. و منو يغسل الكلاص ورة العملية .. و منو يحميني الصمونة عوووود لا تكللي اشعل طباخ تر انتحر عاااا .. .. الله يعافيك ممنون يل غالي

أقنعني الاول ان ماماك خلاتلك فقط بيضة وحدة هديك الساعة اعلمك طريقة لان حرام يضيع جهدي على بيضة واحدة تعلق في ضرس واحد من اضراسك ثم تنسى انك اكلت اصلا بيضة سامر عندك برك بيضة وحدة؟؟

صدقي او لا تصدقي .. هي فقط بيضة واحدة وجدتها هناك تشكو الوحدة فاخذتها لاضعها قرب الحاسوب و هذه هي الآن .. على اية حال اتفق معك إنها لا تكفي لضرس من اضراسي، و لكن هذا الموجود الآن

ههههههههههههههههههههههههه ههه والله يالله الصبر الصبر

شبيج يمة .. سالنا .. قابل كفرنا .. ندري بيج مكطعة المطابخ على راسج (واذا سالكة بيضة بحياتج اني خسار طبك عاااااااااا)

هو نخليها بماي اذا طفت او صارت وضعيتها شبه عمودية غير مسلوقه واذا غطست الف عافيه ههههههههههه

شنو القصة النوبة صارت عمودية و مستقيمة .. عمي هي شكلها يكاد يكون كروي .. .. اذا عندك غير حل كللي علمود ادزلك نصها

اذا ممسلوكة ليش تخليهة الك على الميز ....

بيها وجهة نظر وجيهة جدا ..بس انطيك احتمالات

احتمال ما تريدن افتح الثلاجة

احتمال تكللي هاي البيضة الاخيرة

احتمال دا تكللي حصتك بيضة وحدة

احتمال تريد تخلليها ببالي لان اني من اجوع اظل افتر بالمطبخ مثل الـ (...) و تالي ارجع جوعان عل حاسبة هع


مممم ..ذكرني اسألها باجر عاااا

مو تدورها بكل قوتك >_<

دورة عادية المسلوقة تدور لان صارت جسم واحد
والمومسلوقة ماتدور لان الي جواها سائل و ترتطم بالقشرة ما يخليها تدور

شوفي اني رجال خريج صناعة هاي سوالف الفيزيا مالتكم انتوو المثقفين مو كلش تخش عقلي .. فهموني على قدر علمي يا ناس

عليك بسؤالها يا سامر
اسال البيضة هل انتي مسلوقة ام وهي ستجيبك فانها لاتكذب ابدا انا اسالها كل ما تصادفني هكذا حالة وتجيبني بصراحة خخخخخخخخخخخ
كل عام وانت بخير سامر

ههههه المشكلة هسة ما تكدر تجاوب .. الا اسويلها حاضنة و افقسها ويطلع كتكوت يالة اسمع منه صوت .. بس المشكلة اذا مسلوكة يجوز يطلع منها مومياء مال كتكوت خخخخ .. و انته بالف الف خير

اني بالشغلات الفيزياوية بالبيضة فرها ورجعها وغطها وسونرها ما اعرف...بس انت انظر للظروف المحيطة هل الطباخ بعده حار؟ يعني عملية السلك تمت...واذا لا... أسلك بعد اخوك
كل عام وانت بخير

مو كتبت .. اني تركت الامور .. و تذكرت من جعت ساعة تسعة ..كلشي بااارد .. و الاشياء مغسولةو راجعة لمكانها .. و البيضة وحيدة لكيتها عل ميز .. اني هم مثلك هاي سوالف الفيزيا كلشي ماكو عبالك يسولفون بالصيني خخخ ..
.. و انته بالف الف خير يا ورد

بالله انت مو فايخ ... طكها براسك اذا سالت على وجهك يعني مو مسلوكة
واذا لا اكلها فارغة
وهاي البضية صارت صخر اذا صدك مسلوكة وانت بعدك تاخذ الاراء

واكو طريقة تنهي المشكله اخذ خيرة عد سيد

شلون اسلوب قاسي .. هاي بدل ما تواسيني اووف .. النوبة تنصبين تكليلي اخذ خيرة عد سيد .. ليش هو اكو هسة سيد قريب و ما يلطخ البيضة بوجهي وما رحتله عااااا

[مدارات]

ههههههههههه عود صدك شووفها اذا متنخض يعني مسلوقة هع

[warda]

من طريقة تدويرها ياسسسسسسامر...اذا دارت بسرعه وبدون اي تشوه بحركتها يعني مسلوقه...واذا لا يعني بعدها لان السوائل داخلها بعدها موجامده
لو اكولك جرب تطكها بخشمك هذا الحل المثالي

[prïnċë häïdër]

اشو كوله انطت اراء بدون ميعرفون شنو نوع البيضه !!
غير تكول يا عيني
بيض لقلق
بيض دجاج
بيض بط
بيض حمام
بيض عصافير
كل نوع واله طريقه خاصه لمعرفه المسلوق من غيره عاااا

[Gardenia]

صارلك ساعه من كاتب الموضوع ..لو طاكها وماكلها مو احسنلك هههههههه

[ḾïSs TǿTà]

طكها واذا طلعت مامسلؤقه رؤح اشتري ؤحده ثانيه من ابؤ اي محل واسلقها

[Daleen]

شلون اسلوب قاسي .. هاي بدل ما تواسيني اووف .. النوبة تنصبين تكليلي اخذ خيرة عد سيد .. ليش هو اكو هسة سيد قريب و ما يلطخ البيضة بوجهي وما رحتله عااااا

قاااسي بعينك .. لعد شتريد اجي اسلكها الك واكشرها واسويها لفة واكعد اوكلك

[شاكر العتابي]

شوف سامر .. عدكم دجاجة بالبيت ؟ كضها وجيبها يم البيضه .. اذا قاقت يعني ابنها مسلوك ... اكل يا متوحش .... التوقيع:كيكي

[Legend of fall]

بعد 4 ايام من كتابة الموضوع
السؤال : ماهي اخبار البيضة ...وشتبين الخبر ...عيد ...لو مو عيد ؟