كل ما نقدمه للتسلية والترفيه، فلا يعلم الغيب الا الله وتبقى مجرد توقعات والله أعلم
القمر بكرا عم يستمر ببرج الدلو ♒
توقعات برج الحمل اليوم الخميس 14 مايو 2020 منيب الشيخ
الحمل ♈
بتعيش اجواء حلوة وعندك عزيمة ..
من الايام يلي عم تحقق فيها قصص كنت ناطرها من زمان وخاصة انو في اصدقاء عم تدعمك وتقدملك المساعدة وفي لمة مع اصحاب وعيلة وعزيمة وكمان الوضع المالي ممكن يتحسن عندك تدريجيا ..
❤عاطفيا .. عاطفيا الوضع عم يكون جيد وفي محبة من الشريك واوقات وتواصل جيد ..
توقعات برج الثور اليوم الخميس 14 مايو 2020 منيب الشيخ
الثور ♉
عندك بداية شغل وانتبه بعلاقاتك وخليك حاضر ..
عم يكون عندك امور مصيرية هاليوم بشغل وعلاقات مهمة وتطوات بتخص تغييرات وفرصة عمل وكمان عم تقدر هاليوم تصل للشهرة وفي بعض المواجهات يلي لازم تنتبه منها وانشالله كل شي بكون أفضل ..
❤عاطفيا .. حاول هاليوم تستغل جاذبيتك لتكون مع الشخص يلي بدك تدخل بعلاقة معو ..
توقعات برج الجوزاء اليوم الخميس 14 مايو 2020 منيب الشيخ
الجوزاء ♊
علاقاتك افضل وانتبه بسفرك وتنقلاتك ..
من افضل الايام لتعمل علاقات جديدة وتكون عم تنجز شي او تنجح بمجال معين وعندك القدرة تصل لهدفك تدرجيا واهم شي تكون واثق من حالك ومنتبه اثناء السفر او بتنقلاتك وفي تواصل خارجي عندك ..
❤عاطفيا .. عم تكتر العلاقات عندك ويمكن هاليوم تكون بافضل حال خاصة اذا بتغير بشكلك ..
توقعات برج السرطان اليوم الخميس 14 مايو 2020 منيب الشيخ
السرطان ♋
في مصالحات وتعاملات مالية بهاليوم ..
يوم عم يرجع علاقاتك أفضل وعم تقدر تحل مشاكل وتصالح اشخاص كان في خلاف بيناتكن ومن الأيام يلي فيها مال من امور بتخص شراكة وكمان عم تتحسن اوضاعك بشكل عام وفي ورقة بتحصل عليها ..
❤عاطفيا .. من افضل الايام لان ممكن تعيش فيها اوقات رومنسية وتتقرب من الشريك ..
توقعات برج الاسد اليوم الخميس 14 مايو 2020 منيب الشيخ
الأسد ♌
خليك هادي وروق بيومك وفكر بشغلك وبس ..
من الايام يلي عم يزيد عليك الضغط فيها من الناس والعيلة وعم تحس بانك تحت اختبار كتير كبير ومسؤوليات لازم تكون جاهز الها وحل الامور برواق وبدون مشاكل وانتبه من كلام الناس وفكر بشغل جديد ..
❤عاطفيا .. من الايام يلي فيها توتر بالعاطفة وماعم تعرف لي الشريك ماعم يفهمك وعم ينقلب ضدك ..
توقعات برج العذراء اليوم الخميس 14 مايو 2020 منيب الشيخ
العذراء ♍
في فكرة شغل جديد وخليك جاهز واستغل علاقاتك ..
عم تكون هاليوم قدام بداية شغل ومسؤوليات يمكن زلازم تكون جاهز لهالشي ورتب الامور لتنجز كل شي بوقتو ولاتتأخر وكمان اازم تراعي وضعك الصحي وتعرف منيح كيف تستغل يومك بشغل مناسب ..
❤عاطفيا .. بتحتاج اليوم لدعم الشريك الك ويمكن في بعض القصص بتخليك عتبان عليه ..
توقعات برج الميزان اليوم الخميس 14 مايو 2020 منيب الشيخ
الميزان ♎
مال وأخبار حلوة وعاطفة أفضل ..
من الأيام يلي بتحملك فرص مالية جيدة وقدرة على حل المشاكل العائلية وكمان عم تتقرب من اشخاص بتحبن وتقدر تبني علاقات جديدة وتكون مبدع وحتى في قصص بتنحل بتخص طفل عندك ..
❤عاطفيا .. من الايام الحلوة عاطفيا وبتعيش اجواء ايجابية مع الشريك بهيك يوم ..
توقعات برج العقرب اليوم الخميس 14 مايو 2020 منيب الشيخ
العقرب ♏
بتحس بعدم استقرار بالبيت ومدايق من قصص ..
عم يسيطر عليك التوتر بعلاقاتك مع المقربين بهيك يوم وعم تحس بانو ماحدا عم يفهمك وعم ينشغل بالك على ناس بتحبن وبدك حلول ويمكن في قصة بتخص الأهل ولازم تروق وتنتبه لشراكاتك ..
❤عاطفيا .. وضعك العاطفي ماعم يكون منيح وعم يتأثر بوضعك العام وبدك تروق ليهدى بالك ..
توقعات برج القوس اليوم الخميس 14 مايو 2020 منيب الشيخ
القوس ♐
عندك حركة واتصالات وناس وعلاقات جديدة ..
من الايام يلي بتتحرك فيها بسرعة وبتقدر هاليوم تعمل اتصالات كتير وتتواصل مع ناس جديدة وحتى على صعيد الشغل في تطورات ايجابية وصحيا لازم تنتبه وتفكر بحل الامور مع عيلتك وانتبه من الحوادث ..
❤عاطفيا .. وضعك العاطفي جيد وعم تقدر بتواصلك تكون مع الشريك ..
توقعات برج الجدي اليوم الخميس 14 مايو 2020 منيب الشيخ
الجدي ♑
فكر بامورك المالي وبالبيت كمان هاليوم ..
وضعك العام عم يكون جيد وقادر هاليوم تعمل شي مهم على صعيد الشغل وبتحس ان في مرابح مالية رح تجيك ورح تقدر تضبط ميزانيتك أفضل وممكن تفكر بمشروع شغل او تحسن من شغلك ..
❤عاطفيا .. بتقدر هاليوم تعيش اجواء رومنسية وتكون بعزيمة اكل مع الشريك هالشي بفرحك ..
توقعات برج الدلو اليوم الخميس 14 مايو 2020 منيب الشيخ
الدلو ♒
اوضاعك أفضل وخاصة بقصص البيت ..
بعد فترة كان فيها شوية تغييرات وتعب عندك وقصص خلتك مدايق من المحيطين عم يكون يومك افضل وطريقتك بالتأثير بالمحيطين فيك اقوى وحتى ماليا في فرص اخبار لبداية شغل جديد وسكن جديد ..
❤عاطفيا .. الوضع العاطفي جيد وممكن تسمع خبر حلو خلال نهارك فخليك متفائل ..
توقعات برج الحوت اليوم الخميس 14 مايو 2020 منيب الشيخ
الحوت ♓
انتبه من مشاكلك وخليك منتبه مع عيلتك ..
بدي منك بهاليوم تكون واعي لاي تصرف غلط وخاصة انو البعض عم يعملك مشاكل وخاصة المقربين منك وعم تحس بضغط كبير ولازم تبعد عن اي ثقة زايدة وتدريجيا بيتحسن وضعك بس انتبه لحالك هاليوم ..
عاطفيا .. الوضع العاطفي ماعم يكون تمام وعم تحس بخيبة امل من الشريك ..
رد مع اقتباس
المشاركة الأصلية كتبت بواسطة أشجان الروح
