هنا

[ارجع يازمان]

ابوذيات لاستشهاد الامام علي عليه السلام
؛؛؛؛
ابهذا الوعد لامت وعدها
زينب ياعلي عدت وعدها
عدها الاه والدمعه وعدها
حماي الحمه الطايح رميه!
االساعدي

:::

ماترهم الجرحك الف شده
صاير عاليتامه اشلون شده
البابك اجوك ابورد شده
اليتامه ولطموا ابابك سويه
االساعدي

::::

اجه ونظراته عالهامه وجاهه
ونار اكلبونه ابطبره وجاهه
ابو الحسنين اله هيبه وجاهه
لكن بالغدر شاف المنيه!
االساعدي

:::

انه الهايم وللموت هاماي
ياعطشان اكول ايريد هاماي
فدوه الهامتك ياعلي هاماي
وهامة كل بشر فوك الوطيه
حسين الساعدي
:::

يانعش الولايه اليوم ينشال
وبجرح الغميج اشلون ينشال!
جفك يبن ملجم كون ينشال
كبل لا توصل الحامي الحميه
االساعدي

:::

انه الفرزنت بالمهم والهام
وبهذا المصاب الحزن والهام
ياشيعه انطبر كرار والهام
بالنص وغدت صعبه القضيه!
االساعدي

::::
ماينظام الك صاحب ولا جار
ويخاف الزمن منك ولا جار
انه المايهل دمعي ولا جار
بس الطبرتك صبن سويه!!
حسين االساعدي

:::
صاحو طاح وتطبر عليكم
هسه وحلت الهجمه عليكم
داعش طبو الدارك علي كوم
تحامي الدار ياحامي الحميه
االساعدي
:::
الدين ابطبرتك صار منحال
وتبدل علينه الحال من حال
ياعيد الفطر بالحزن من حال
مثل زينب ابيوم الغاضريه!
االساعدي
:::

راح الجان للامه__وصي الها
والجنه ابعشك حيدر__ وصلها
ياهو المنهم افعاله ___وصلها!
وابو الحسنين رايه ومرجعيه
حسين االساعدي

[أستثنـآئيـّةة❤️]

عاشت ايدك

[ارجع يازمان]

عاشت ايدك

اجوركم اعظم