همّه ما طبرو علي بحال السجود. شعر عن استشهاد الامام علي عليه السلام
همّه ما طبرو علي بحال السجود.
خاطر الكرار يترك هل الحياه.
الغايه چانت ينطبـــر دين الجليل.
وچان كل الدين حيدر محتواه.
لجل هذا انطبر في حال السجود.
وچانت الغايه يطبرون الصلاه.
غدر لو ما غدر ما يوصـل شجاع.
والدليل بسيفه مرحب ناصفاه.
وميزه عد حيدر بساحات الحروب.
يبارز الگدامه ويشوف الوراه.
قــــررو لـــو صلــــه حيدر نعتنيه.
لان حيـــــدر ينقطــع يم الاله.
موسى البديري
رد مع اقتباس
