في /
قديم الزمان ...قاضي انطه فتوة ..شكو واحد يسب العنب اعدام.عدمولهم اثنين من هذولي الحامين ...الناس امتعضت من هاي الفتوة ...الى ان يوم من الايام واحد فاير دمه اتعارك ويه البقال ..لان جان ينطون العنب فرض ويه المخضر ..هذا الفاير كام يلكط ..عنب بيده ...البقال كله مردت العنب صار ساعة تلكط ..هذا ضاج دفر السلة مال العنب وكلة انعل العنب لابو اليشتري العنب ..سمعت الشرطة جرو من ياخته وكبل على القاضي ..كالوله سب العنب ..كلهم اعدام وصل تنفيذ الحكم ..سألوا عن اخر امنية عندة قبل الاعدام ...كلهم امنيتي اضرب القاضي الحكمني 3 تواثي ..زين الشرطه سلطة تنفيذية وهذا قانون ..جابولة توثية وجابولة القاضي ..صكه بتوثية خلا يرفس ..شالو القاضي للمستشفى ...شهرين يله طاب ..اجه موعد التوثية الثانية ..راحو على القاضي يجيبو .القاضي كال للشرطة:راوسوها منا منا ..كلوله هذا قانون لازم يتنفذ .سمطه بتوثية الثانيه ..شاله 3 امتار ..شالو القاضي للمستشفى وست اشهر يله طاب .واجه موعد التوثية الثالثة ..واخذوه المسجون للقاضي ..القاضي كال بينه وبين نفسة هذا هاي المرة راح يموتني ..قبل ما يموت ..خلي اتساهل وياه ..باوع عليه القاضي ..كله بعد عمك دنزل التوثية وخل نتفاهم ..بعد وجهي وجهك ..بس كلي انته سبيت العنب الابيض لو الاسود .كال المسجون لا الابيض .القاضي صدك جذب انته غير تكول ..احنا عبالنه ساب العنب الاسود ..روح انته برائه .غير تكول .ومن يومها صار مثل ..اذا واحد سوى شغلة عادية وانته تعظم الامور ..يكول هسة اني سويت ..سبيت العنب الاسود!!!
رد مع اقتباس
المشاركة الأصلية كتبت بواسطة ПộR
