هنا

[بلاسِمُ الأدب]

علي صبرك ملح يلچم عللهم
يکَوم اهموم عدلك هم على الهم
حقدهم صارم امزوهر على الهام
هوة يختملك ال((فزتُ)) ابمنيّة...

********

یمن امر الله متحالف وي‌امرک
الحزن اعوام شد حیله وي‌امرک
اخيرا هوّد گلیبک و یمراک
و تعود الفاطمه ابهاي المسیّه

********
أضيع ابهيمة الأفکار و اتعثّر
شوصفنّك؟
رجف بيدي القلم محتار و اتعذّر
يخط عنّك...

علي لو ردت اوَصفك أَنتهي وياي...!
المطر وكت الحصاد ايوصّف الغيم...

یالاجدامک تربها ایشید الأمجاد
يابوتراب انت ابوالمجد و أَبو الشیم..

تغمّد صارمك برگاب الأرجاس
قصور اعداک بجدامک تذل هیم

یامن ذچرک دوة الجرح المساکین
و یامن ذچرك يراوي العادتك،ضيم

يَفقّار استفز الأقدار ، من تُشهَر
رعد چنّك...
و عزرائيل ايقَدْم أعذار اذا حيدر
رجز، فنّك ...!!
******
جنين انت و يضيفك ربّ العباد
و مو باب انفتح، شگّالک جدار

یلوذ المصطفی ابزودک صغیرون
صغیر الجیش بس امخورس اکبار

اذا طاري العلم ينجاب ، قرآن
اذا قصّةتُ حرب تنجاب، كرّار...

مواضيع الكرم اسمك لها كْتاب
کتاب ابظهره مكتوب الحسن صار

يا معنى الليل بالإسرار، يالتستر
خفي مَنّك
ترة الكون الشمس تذكار، من اضطر
اخذ منّك...
*****
يقيسون الزلم بأفعالهم كون
علي لكن محالة ابفعلة ينقاس

لئن بس الله يگدر للیسوّیه
لهذا انخاف نحچي و تشرك الناس!

منو ايردّ الشمس غير الله ويّاه
علي يشفي و يميت ويحيي الأنفاس

علي يكفي المديحة انگلّة ابوحسين
منو اليخلق بطولةتْ شبله عبّاس ....

علي مرايةتْ محمّد صار ،بل اكثر
و ازيدنّك

علي ايد الله و المختار، والله انسر
اذا حَنَّك...
******

علي العاداك من صيتك مِلَك جاه
الثلاث اعداك انت انطيتهم شان

علی سماط الغدر و ابچتلک امتاز
ابن ملجم فضالةتْ يا جدر چان؟!

يابو السبطين محرابك يحن ليك
صريخ اهل العرش نسمع بالآذان

تعال الليل وحشة ابعين الأيتام
بدر چفّك تنطرة اهواااااي بيبان...

يبو الحملة الگلب شب نار، و اتوذّر
و أسمعنّك
توصّي الكافل القهّار ، والخدّر
يشدهنّك...
يشيّب مهجة الأحجار...هالمنظر
صعب لأنّك
اهیم ابكتبتي و احتار و اتكسّر
شوصفنّك؟ شكتبنّك شعرفنّك

رجف بيدي القلم محتار و اتعذّر
يخط عنّك...

✍.الشاعر حيدر الحدّاد الكربلائي

[ا لـٰٚـِْاء سـۛـۛـلـام]

سلمت يدگ شگرا للمجهود ؛؛

[أستثنـآئيـّةة❤️]

سلمت يدااك ...

[،،،،،،،،،]

شكرا جزيلا

[بلاسِمُ الأدب]

طال عمرک

[بلاسِمُ الأدب]

طبتم و سلمتم