ادهدي بيه
أإادهدي بيه
ادهدي صوت
ادهدي لون
ادهدي شبگه . بكل تجاعيد الضلوع ' المخمليه '
بكل مسيه
مدي اصابيعج . مشط غبشه . عله رمشي . ومگيجيها المغربيه
ومري بيهن
مري بيه
حلفني بداعتج ... شدة خواتج
كالن شدعوه نستنه بمزهريه ؟
أإٱدخيل غيمج .
لا تنگعيني عله هونج . انه احب مطر الـ شويه
ادهدي بيه
بكل زوايه السكته ... صوت
بكل حياة
... اشويه موت
بكل ممات
... اااشوي حياة
ادهديه بيه
وفري المياله عليه
اكشخ بنص ساعه منج لو ربع ساعه عله اديه ..
انه أحب حچي الأصابع ..
ابچي . خطواتج . عله اخدود . الشوارع ..
احجي لونج . لو سكت يمج ضوه
كومي نسمه . شما عثر يمج هوه
كولي شعرج .
احجي عطرج . لو يسألونج علـيج _
بوسي اديج . شمااا تصح بوسه عله اديـج _
شما تضيعينج ينسمه
اتنفسي روحج
دوري بهدومج عليج _
ادخيل خدج
ناذر الغبشه لسماره
لون ؟ تعوازة سكاره ؟
چملي سومرهم حضاره
وداينيهم للمسله أأچم عباره
سولفتلي الريه عنج
انتي يا اول حرف گاله البخور
وانتي يا اخر بچي بعين الجكاره
بوسي چتف السندباد وفتحي گلبج لا يسدون المغاره
كنسي شباچ الكنيسه وطبگي ذرعان الصليب _
هو مو كلمن كبر معناها عيب
هلال . لو صار الكمر . هم يبقه شيب _
كشخي لچمه
وانه اغني اجروحي كدام الطبيب _
وغني شعري .
صلي صدري .
كضي حضنج . لمي حضني . وطشري . طشري
شما تموت الغيمه أمطررري
شما تنام النجمه أسهري
شما تضيگ الدنيا أااكبري
شما يوشل عمري
.. غني ..
ااانت عمري
رد مع اقتباس
المشاركة الأصلية كتبت بواسطة سيدالكلمات1
